الماتىدا الەۋمەتتىك تۇراقتىلىقتى قامتاماسىز ەتۋ ءۇشىن قوسىمشا 8،3 ملرد تەڭگە بولىنەدى
الماتىدا الەۋمەتتىك تۇراقتىلىقتى قامتاماسىز ەتۋ اياسىندا 8،3 ملرد تەڭگە كولەمىندە قوسىمشا قارجىلاندىرۋ بولىنەتىن بولادى. وسى سومانىڭ 4 ملرد تەڭگەسى ءبىلىم بەرۋ سالاسىن دامىتۋعا ارنالعان. بۇل تۋرالى ءماسليحاتتىڭ كەزەكتى سەسسياسىندا الماتى قالاسى قارجى باسقارماسىنىڭ باسشىسى قانات سۋحامبەكوۆ مالىمدەدى.
قاراجاتتىڭ ءبىر بولىگى ءبىلىم بەرۋ وبەكتىلەرىن سەيسميكالىق كۇشەيتۋ جانە رەكونسترۋكسيالاۋ جونىندەگى جۇمىستاردى اياقتاۋعا باعىتتالاتىن بولادى. اتاپ ايتقاندا، سي سينحاي كوشەسىندەگى بالاباقشانى سەيسميكالىق كۇشەيتۋ جانە بوستاندىق اۋدانىنىڭ وربيتا-3 شاعىن اۋدانىنداعى بالاباقشانى جاڭارتۋ جۇمىستارى دا قارقىندى جۇرۋدە. وسى نىسانداردىڭ قۇرىلىسىن اياقتاۋ ءۇشىن 2025 جىلدىڭ شىلدەسىنە قوسىمشا 1 ملرد تەڭگە بولىنەدى.
سونداي-اق قۇرىلىس جانە رەكونسترۋكسيالاۋ بويىنشا كونكۋرستىق راسىمدەردى وتكىزۋگە قاراجات ءبولۋ جوسپارلانۋدا 9 ءبىلىم بەرۋ نىسانى: الاتاۋ جانە ناۋرىزباي اۋداندارىنداعى 3 بالاباقشا؛ الاتاۋ، بوستاندىق، مەدەۋ جانە تۇركسىب اۋداندارىنداعى 5 مەكتەپ؛ ش/ا 1 دامۋ جانە شىعارماشىلىق ورتالىعى. الاتاۋ اۋدانىنىڭ سايالى.
سونداي-اق، 26 مەكتەپتى پاندىك ستەندتەرمەن جانە پارتالارمەن جاراقتاندىرۋ جوسپارلانۋدا.
وسىلايشا، قوسىمشا قاراجات وقۋ جاعدايلارىن جاقسارتۋعا جانە قالاداعى ءبىلىم بەرۋ ساپاسىن ارتتىرۋعا باعىتتالاتىن بولادى.
سونداي-اق دەنساۋلىق ساقتاۋ سالاسىنا قوسىمشا 460 ملن تەڭگە ءبولىندى. سومانىڭ نەگىزگى بولىگىن رەزيدەنتۋرا ستۋدەنتتەرى ءۇشىن 120 وقۋ گرانتى مەن ستيپەنديالاردى قارجىلاندىرۋعا، سونداي-اق 7 مەديسينالىق كوللەدجدە جاڭا قابىلداۋدىڭ 1 206 ستۋدەنتىنىڭ وقۋ اقىسى مەن ستيپەنديالارىن تولەۋگە باعىتتاۋ جوسپارلانۋدا.