Air Astana اۋەكومپانياسى جولاۋشىلارعا ارنالعان ۇشۋ الدىنداعى نۇسقاۋلىقتىڭ بىرەگەي فورماتىن ۇسىندى. وندا قاۋىپسىزدىك ەرەجەلەرىن ءداستۇرلى ءتۇسىندىرۋ ءادىسى ەلىمىزدىڭ تاريحى مەن مادەنيەتىنىڭ وزىندىك ەرەكشەلىكتەرىمەن ادەمى ۇندەسىپ وتىر. ءتۇسىرۋ الاڭى رەتىندە ەلىمىزدەگى كەڭ تانىمال 7 تۋريستىك ورىن تاڭدالعان: «مەدەۋ-شىمبۇلاق» اسپالى جولى، «مەدەۋ» بيىك تاۋداعى مۇز ايدىنى، كاسپيي تەڭىزى، ىلە وزەنىندەگى نوماد بەكىنىسى، EXPO حالىقارالىق كورمە ورتالىعى، استانا قالاسىنداعى «اتىراۋ» كوپىرى جانە «بايقوڭىر» عارىش ايلاعى. ءتۇسىرىلىم ورىندارى كوز تارتارلىق ادىسپەن اۋىسىپ وتىرادى: ەلوردانىڭ قايناعان ءومىرى بوزجىرا شاتقالىنىڭ عارىشتىق لاندشافتارىمەن الماسىپ، ارى قاراي ىلە الاتاۋىنىڭ ۇشار شىڭىن قار باسقان بەتكەيلەرى مەن كولساي كولدەرىنىڭ ايدىنا جالعاسادى، ودان كەيىنگى كادرلارى شارىن شاتقالىنىڭ بويى مەن التىن ەمەل تابيعي پاركىنىڭ كوشپەلى قۇمدارىنا اۋىسقان روليك سوڭىندا ۇلتتىق تاسىمالداۋشىنىڭ ستيلدەنگەن لوگوتيپىمەن اياقتالادى. رەجيسسەرى – ايسۇلتان سەيتوۆ. كومپوزيتورى – ەميل دوسوۆ.
