ەرەكشە ءبىلىمدى قاجەت ەتەتىن بالالارعا-ەرەكشە قادام

كمقك №150 بوبەكجاي-بالاباقشاسىندا قالالىق سەمينار ءوتتى.
ءىس-شاراعا ماحانبەتوۆا اگيما ابيلوۆنا، «ورلەۋ» باۇو اقف الماتى قالاسى بويىنشا كاسىبي دامۋ ينستيتۋتىنىڭ «پەداگوگيكا جانە پاندىك ادىستەر» كافەدراسىنىڭ اعا وقىتۋشىسى، الاتاۋ اۋدانى ءبىلىم ءبولىمىنىڭ باس مامانى زەيتوۆا مانشۇك ساپينوۆنا، الماتى قالاسى الاتاۋ اۋدانى كمقك № 150 بوبەكجاي-بالاباقشاسىنىڭ مەڭگەرۋشىسى ابديجاپپاروۆا سالتانات نۇعمانوۆنا، الماتى قالاسى الاتاۋ اۋدانىنداعى №1 بوبەكجاي بالاباقشاسىنىڭ مەڭگەرۋشىسى قارابالايەۆا قىمات ءالىمباي قىزى جانە بالاباقشا تاربيەلەنۋشىلەرى مەن مەڭگەرۋشىلەرى جانە اتا-انالار قاتىستى.
بالاباقشا مەڭگەرۋشىسى ابديجاپپاروۆا سالتانات نۇعمانوۆنانىڭ ايتۋىنشا، سەميناردى وتكىزۋدەگى باستى ماقسات — عىلىمي-ادىستەمەلىك ىنتىماقتاستىقتى دامىتۋ، ارنايى مەكتەپكە دەيىنگى ۇيىمنىڭ وڭ تاجىريبەسىن تاراتۋ.
   
بالاباقشادا ەرەكشە ءبىلىم بەرۋدى قاجەت ەتەتىن بىرنەشە بالا بار. بىلىكتى تاربيەشىلەر، دەفەكتولوگ، لوگوپەد، پەدوگوگ ماماندار وسى بالالاردىڭ كوپشىلىك ورتاعا بەيىمدەلۋىن، دۇرىس قالىپتاسۋىن، قاتارىنان قالماي ءبىلىم الۋىن قاداعالاپ ايانباي ەڭبەك ەتىپ كەلەدى. ينكليۋزيۆتى ءبىلىم بەرۋ ءار بالاعا قاجەت، سوندىقتان تاربيەشىلەر  «بالبوبەك» توبىنىڭ تاربيەشى كابدىكاميتوۆا اسەل  ماد «اقبوتا» توبىنىڭ تاربيەشىسى دۋلاتبايەۆا روزا  سۋرەت سالۋ، قۇم تەراپياسى، الاقان جاتتىعۋى، ارت تەراپياسى، تاستارمەن جانە ەرمەكسازبەن جۇمىس ىستەۋ ادىستەرىن قولدانا وتىرىپ، جاتتىعۋلاردى تۇرلەندىرە وتىرىپ جاساتىپ كورسەتتى. سالتانات كازاكبايەۆانىڭ ادىس-تاسىلدەرى كوپشىلىكتى ءتانتتى ەتتى. سونىمەن قاتار مۋزىكا ءپانى جەتەكشىسى ناۋرىزبايەۆا استانا سەيتالييەۆنا كوپشىلىكتى ويىنعا شاقىرىپ ساۋساق قول موتوريكاسىن دامىتۋعا باعىتتالعان قولعاپ ويىنى قىزىقتى ءوتتى.
   
سەمينار بارىسىندا قوناقتارعا بالاباقشا ءىشى كورسەتىلىپ، ەكسكۋرسيا ۇيىمداستىرىلدى. مۇندا ءتۇرلى بولمەلەردى كورىپ تاڭقالاسىڭ. ارت تەراپيا، ارت تەراپيا تريز تەحنولوگياسى وتە قىزىق. مەڭگەرۋشى سالتانات نۇعمان قىزىنىڭ يدەياسىنان تۋىنداعان فالگامەن قاپتالىپ، ءتۇرلى جارىق شامدارمەن بەزەندىرىلگەن تىنىشتاندىراتىن بولمە كەز-كەلگەن جاننىڭ قىزىعۋشىلىعىن تۋدىراتىنى ءسوزسىز. كىشكەنتاي بالا دا، ەرەسەك ادام دا وسى بولمەدە تىنىعىپ، دەمالىپ ءارى ماسساج الا الاتىن مۇمكىندىك بار. اتا- انالار مەن جينالعان قوناقتارعا دا وسى بولمە قىزىق بولدى. ءبارى بولمەنىڭ جابدىقتالۋىمەن ەتەنە تانىسىپ، قىزىقتىرعان سۇراقتارىن قويىپ، جاۋابىن الدى.
   
ودان كەيىن پسيحولوگ مامان كازاكبايەۆا سالتانات كايراتوۆنا مەن دەفەكتولوگ ساتكىنبايەۆا گۋليم داۋلەتكەلدييەۆنانىڭ جەتەكشىلىگىمەن اپەلسين ارشۋ سياقتى ۇساق قول موتوريكاسىن دامىتۋ ماقساتىنداعى بالامەن جۇمىس كورسەتىلدى. بۇل جاتتىعۋ ءۇشىن ءار ءتۇرلى جەمىس تاڭدالادى ەكەن، بۇل جولى اپەلسين تاڭدالعان ەكەن. بالالار، جەمىستىڭ قابىعىن ارشىلىپ، ءتۇسىن، ءدامىن، جۇمساقتىعىن، ەرەكشەلىگىن سيپاتتاپ بەردى. اپەلسيننىڭ سۋرەتىن سالىپ ونى تۇيمەلەرمەن كومكەرىپ اسەمدەدى. بالاباقشادا تۇيمەمەن جۇمىس جاقسى جولعا قويىلعان. جۇمىستارىنىڭ باسىم بولىگىن تۇيمەنى قولدانىپ جاساعان. تۇيمەدەن جاسالعان كوپتەگەن كوركەم دۇنيەلەر بالاباقشا بۇرىشتارىنان ورىن الىپ تۇر.
    
قۇستار بۇرىشىن ەلەمەي ءوتۋ مۇمكىن ەمەس، شىرىلداعان قۇستاردىڭ ءۇنىن ەستۋ ءبىر عاجاپ اسەرگە بولەيدى. QR كودتى قولدانىپ تاڭداعان قۇس تۋرالى ماعلۇمات الۋعا بولادى. كەز كەلگەن ادام وسى تاسىلمەن قۇستار الەمىنە ساياحات جاساي الادى. ءبىلىمدى دە شەبەر تاربيەشىلەر مەن پەداگوگتار جينالعان ۇجىمنىڭ سەمينارى ونەرلى بالالاردىڭ اسەم انىمەن جالعاستى. الماتى قالاسى، الاتاۋ اۋدانى كمقك «№150 بوبەكجاي-بالاباقشاسى» «بالبوبەك» توبىنىڭ تاربيەشى: كابدىكاميتوۆا اسەل بوكەنايەۆنا،
ماد «اقبوتا» توبىنىڭ تاربيەشىسى: دۋلاتبايەۆا روزا كەنەسوۆنا وسى تاربيەشىلەردىڭ ەڭبەكتەرى وراسان زور. ارتىنان سۇراق-جاۋاپ، كەرى بايلانىسپەن ءوربىدى.