الماتى اكىمى ەربولات دوسايەۆ تاۋلى قىرات شاعىن اۋدانىندا، ءال-فارابي داڭعىلىنان جوعارى ورنالاساتىن كونگرەسس ورتالىقتىڭ قۇرىلىسى جونىندە پىكىر ءبىلدىردى، دەپ حابارلايدى aqshamnews.kz
«قالانىڭ جاڭا كونگرەسس ورتالىعى مەملەكەتتىك مەنشىكتە بولادى. قالا بيۋدجەتىنەن ينجەنەرلىك ينفراقۇرىلىم مەن كوركەي̆تۋگە قارجى بولىنەدى. سونىمەن قاتار، الەۋمەتتىك جاۋاپكەرشىلىك اياسىندا جەكە دەمەۋشىلەردىڭ قاراجاتى تارتىلادى»، – دەدى قالا باسشىسى حالىقپەن كەزدەسۋدە.
ەربولات دوسايەۆ جەر تەلىمدەرىن ساتىپ الۋ بارلىق زاڭ تالابىنا ءساي̆كەس جۇرگىزىلىپ جاتقانىن اتاپ ءوتتى.
«جەر تەلىمدەرىن ساتىپ الۋ بەلگىلەنگەن ءتارتىپ بوي̆ىنشا جۇزەگە اسىرىلادى. ۇسىنىلعان باعاعا كەلىسپەگەندەر سوتقا جۇگىنە الادى. كەي̆ءبىر جەر يەلەرىمەن قاجەتتى كەلىسىمدەر جاسالىپ، تولەمدەر جۇرگىزىلدى. ەڭ باستىسى، جەر تەلىمدەرىنىڭ نەگىزگى بولىگى ءقازىردىڭ وزىندە قالانىڭ مەنشىگىندە. ءبىز تۇرعىنداردىڭ قۇقىعىن ەشقانداي̆ جاعداي̆دا بۇزباي̆مىز»، – دەدى اكىم.
قالا باسشىسى الماتىدا قازىرگى ۋاقىتتا كونگرەسس ورتالىقتىڭ جوق ەكەنىن اي̆تتى.
«ءبىزدىڭ قالامىزدا كونگرەسس ورتالىق جوق، سوندىقتان ءبىز ونى سالامىز. كەي̆ءبىر جالعان اقپاراتتار تاراپ، بۇل اۋماقتا كوممەرسيالىق جىلجىماي̆تىن مۇلىك بوي̆ كوتەرەدى دەگەن قاۋەسەت تارادى. قالانىڭ بارلىق تۇرعىنىن سەندىرگىم كەلەدى: كوممەرسيالىق جىلجىماي̆تىن مۇلىك سالىنباي̆دى، تەك كونگرەسس ورتالىق بولادى. كەڭەس وداعىنان بەرى رەسپۋبليكا ساراي̆ىنان باسقا مۇنداي̆ نىساندار سالىنعان جوق»، – دەدى ەربولات دوسايەۆ.