الماتىدا كامەلەتكە تولماعاندارعا تەمەكى جانە تەمەكى ونىمدەرىن زاڭسىز ساتۋ فاكتىلەرىنە قارسى كۇرەس جالعاسۋدا.
بۇل تۋرالى الماتى قالالىق پوليسيا دەپارتامەنتىنىڭ رەسمي وكىلى سالتانات ازىربەك وڭىرلىك كوممۋنيكاسيالار قىزمەتىندەگى باسپا ءسوز كونفەرەنسياسىندا مالىمدەدى، دەپ حابارلايدى aqshamnews.kz.
ونىڭ ايتۋىنشا، 2024 جىلى 21 جاسقا تولماعاندارعا تەمەكى مەن تەمەكى ونىمدەرىن ساتۋ بويىنشا 160 قۇقىقبۇزۋشىلىق انىقتالدى. زاڭدى بۇزعان كاسىپكەرلەر ق ر اكىمشىلىك قۇقىق بۇزۋشىلىق تۋرالى كودەكسىنىڭ 423-1-بابىنا سايكەس اكىمشىلىك جاۋاپكەرشىلىككە تارتىلدى.
«زاڭعا سايكەس، 21 جاسقا تولماعان ازاماتتارعا تەمەكى ونىمدەرىن ساتۋ – قۇقىقبۇزۋشىلىق بولىپ تابىلادى. جەكە تۇلعالارعا 15 اەك، ال شاعىن كاسىپكەرلىك سۋبەكتىلەرىنە 25 اەك مولشەرىندە ايىپپۇل قاراستىرىلعان»، – دەدى سپيكەر.
2025 جىلدىڭ باسىنان بەرى وسىعان ۇقساس 27 قۇقىقبۇزۋشىلىقتىڭ جولى كەسىلدى. بيلىك جاستاردى تەمەكى ونىمدەرىنىڭ زياندى اسەرىنەن قورعاۋ ماقساتىندا باقىلاۋدى كۇشەيتۋدە.
سونىمەن قاتار، ازاماتتاردىڭ دەنساۋلىعىن قورعاۋ شارالارى اياسىندا شىلىم شەگۋگە بولمايتىن تەمەكى ونىمدەرىنىڭ، سونىڭ ىشىندە ەلەكتروندىق تۇتىنۋ جۇيەلەرىنىڭ مەن حوش يىستەندىرگىشتەردىڭ جانە ولارعا ارنالعان سۇيىقتىقتاردىڭ زاڭسىز اينالىمىنا قارسى قاتاڭ شارالار قابىلدانۋدا. ۆەيپتەردى زاڭسىز ساتۋ ءۇشىن 200 اەك-كە دەيىن ايىپپۇل نەمەسە 200 ساعاتقا دەيىن قوعامدىق جۇمىستارعا تارتۋ جازاسى قاراستىرىلعان.
«مەملەكەت جاستاردى نيكوتين ونىمدەرىنىڭ زياندى اسەرىنەن قورعاۋ ساياساتىن جۇيەلى تۇردە جۇرگىزىپ كەلەدى. زاڭدى بۇزعانى ءۇشىن جاۋاپكەرشىلىك ەداۋىر كۇشەيتىلدى، سوندىقتان كاسىپكەرلەردى بەلگىلەنگەن تالاپتاردى قاتاڭ ساقتاۋعا شاقىرامىز»، – دەپ اتاپ ءوتتى قالالىق پوليسيانىڭ وكىلى.