الماتى اكىمى ەربولات دوسايەۆ ەنەرگەتيكا سالاسىنىڭ ماماندارىن كاسىبي مەرەكە - ەنەرگەتيكا كۇنىمەن قۇتتىقتاپ، ولارعا قۇرمەت ماراپاتتارىن تاپسىردى، دەپ حابارلايدى aqshamnews.kz
قازاقستان پرەزيدەنتىنىڭ جارلىعىمەن ەنەرگەتيكا سالاسىن دامىتۋعا قوسقان زور ۇلەسى ءۇشىن ەڭبەك ارداگەرى نۇراحان سەيىتقۇلوۆ «قۇرمەت» وردەنىمەن ماراپاتتالدى. ونىڭ كاسىبي جولى «الاتاۋ جارىق كومپانياسى» اق قۇرامىنا كىرەتىن جامبىل اۋداندىق ەلەكتر جەلىلەرىمەن بايلانىستى. نۇراحان سەيىتقۇلوۆ اۋىلدىق وكرۋگتىڭ شەبەرىنەن جاەس-تىڭ ءبىرىنشى باسشىسىنا دەيىنگى جولدان ءوتتى.
III دارەجەلى «ەڭبەك داڭقى» وردەنىمەن جانە «ەرەن ەڭبەگى ءۇشىن» مەدالىمەن «الماتى قالا جارىق»، «الماتى جىلۋ جەلىلەرى»، «الماتىجىلۋكوممۋنەنەرگو» جانە «الماتى ەلەكتر ستانسيالارى» كاسىپورىندارىنىڭ قىزمەتكەرلەرى ماراپاتتالدى.
قالا باسشىسى ەنەرگەتيكا سالاسىنىڭ بارلىق قىزمەتكەرلەرىنە العىسىن ءبىلدىرىپ، ولاردىڭ الماتى ينفراقۇرىلىمىن دامىتۋداعى جانە قالا تۇرعىندارىنىڭ ءومىر سۇرۋىنە قولايلى جاعداي جاساۋداعى باستى ءرولىن اتاپ ءوتتى.