ەربولات دوسايەۆ الاتاۋ اۋدانىندا سۋ قۇبىرلارى مەن كارىز جەلىلەرى قاشان سالىناتىنىن ايتتى

بۇل جۇمىس 2023 جىلدىڭ ساۋىرىندە باستالادى.

كەلەر جىلدىڭ كوكتەمىندە الماتىنىڭ الاتاۋ اۋدانىندا سۋ قۇبىرلارى مەن كارىز جەلىلەرى سالىنادى. بۇل تۋرالى شاھار باسشىسى ەربولات دوسايەۆ الاتاۋ اۋدانىنىڭ تۇرعىندارىمەن كەزدەسۋ بارىسىندا ايتتى، دەپ حابارلايدى Almaty-akshamy.kz.

اۋدان تۇرعىندارى وزدەرىن تولعاندىراتىن وزەكتى ماسەلەنى كوتەردى. 

«مەن "بورالداي" شاعىناۋدانىندا تۇرامىن. بۇرىن ىلە اۋدانى بولعان. 2011 جىلى قالاعا كىردىك. بىزگە سۋ 39 مەكتەپ-گيمنازياسىنان كەلەدى. مەكتەپتەن كىشكەنتاي قۇبىرمەن سۋ تارتىلعان. ەندى وسى جانە كارىز ماسەلەسى قاشان شەشىلەدى؟» - دەپ سۇرادى كەزدەسۋگە كەلگەن قالا تۇرعىنى. 

الماتى اكىمى بۇل ماسەلە كەلەر جىلى شەشىمىن تابا باستايتىنىن ايتتى. 

"بورالداي" شاعىناۋدانىندا بيىل ماگيسترالدى جۇيەنىڭ قۇرىلىسى ءجۇرىپ جاتىر. وسى قۇرىلىس اياقتالعان سوڭ، ىشكە كىرەتىن جەلىلەردى ەندىگى كوكتەمدە، ءساۋىر ايىندا، باستايمىز. سۋ قارقىنى بويىنشا، سىزدەر سۋدى مەكتەپتەن الاتىن بولعاندىقتان، ونىڭ قارقىنى تومەن. راسپرەدسەت كەلگەننەن كەيىن سىزدەردى سوندا قوسىپ، مەكتەپ سۋىنان اجىراتامىز. بۇل جۇمىس كەلەسى جىلى ساۋىردە باستالادى»،- دەدى قالا اكىمى.