بۇل تۋرالى الماتى اكىمى ەربولات دوسايەۆتىڭ الاتاۋ اۋدانى تۇرعىندارىمەن وتكەن كەزدەسۋىندە بەلگىلى بولدى.
اكىممەن وتكەن كەزدەسۋدە اۋدان تۇرعىندارى وزدەرىن تولعاندىرعان ماسەلەلەرىن ايتا كەلدى، دەپ حابارلايدى Almaty-akshamy.kz.
«سىزدەردەن 57، 33، 25 اۆتوبۋستارىنىڭ جولىن تاعى 2 ايالداماعا ۇزارتۋدى سۇرايمىز»، - دەدى اۋدان تۇرعىنى.
«بىزدە 9-12 مەترلىك اۆتوبۋستار بولعاندىقتان، ولاردىڭ جولىن سوزۋعا مۇمكىندىك جوق. سەبەبى كوشەلەر تار، قوعامدىق كولىك كىرىپ شىعا المايدى. ءقازىر بۇل جاققا شاعىن اۆتوبۋستاردى جۇرگىزۋ ماسەلەسى قارالىپ جاتىر. ال اۋدان بەلسەندىلەرىنىڭ وزدەرى تاڭداعان اۋماقتا اينالاما جول سالىنادى. قۇرىلىستى بيىل باستايمىز. اينالما جول سالىنىپ بولعان سوڭ، سىزدەرگە 700-800 مەتردەي جاقىندىقتا 2 مارشرۋت كىرەدى»، - دەدى الماتى اكىمى ەربولات دوسايەۆ.