قازاق حالقىنىڭ ماقتانىشى، روزا باعلانوۆا اتىنداعى «قازاقكونسەرت» مەملەكەتتىك اكادەميالىق كونسەرتتىك ۇيىمىنىڭ ءارتىسى ەربول تاجىبايەۆ اقش-تىڭ لوس-اندجەلەس قالاسىندا وتكەن «WorldStars» حالىقارالىق تالانتتار وليمپياداسىنا قاتىسىپ، باس جۇلدەگە يە بولدى، دەپ حابارلايدى aqshamnews.kz مادەنيەت جانە اقپارات مينيسترلىگىنىڭ باسپا ءسوز قىزمەتىنە سىلتەمە جاساپ.
الەمنىڭ كىل مىقتىلارى جينالعان ونەر دوداسىندا ەربول تاجىبايەۆ ءۇش نوميناسيا بويىنشا قاتىسىپ، باس جۇلدە - گران-پريدى جەڭىپ الدى.
ەربول تاجىبايەۆ تاتتىمبەت اتىنداعى قاراعاندى ونەر كوللەدجىندە «كلاسسيكالىق ۆوكال» ماماندىعى بويىنشا، اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە ءبىلىم العان.
ەلىمىزدەگى «Qazaqstan داۋىسى»، «Topjargan»، «بەس جۇلدىز» جانە ت.ب. كوپتەگەن بەدەلدى رەسپۋبليكالىق بايقاۋلار مەن جوبالاردا كەرەمەت ونەر كورسەتىپ، كورەرمەن قوشەمەتىنە بولەنگەن ەرەكشە دارىن يەسى.