ەرالى توعجانوۆ قازاق ءتىلىن ۇيرەتۋ ءۇشىن باسقا تىلدەگى قوسىمشالاردى زەرتتەۋدى تاپسىردى

ۇكىمەتتە مەملەكەتتىك ءتىلدى دامىتۋ ماسەلەلەرى تالقىلاندى.

بۇگىن قازاقستان رەسپۋبليكاسى پرەمەر-مينيسترىنىڭ ورىنباسارى ە.توعجانوۆتىڭ توراعالىعىمەن حالىقارالىق «قازاق ءتىلى» قوعامىنا قولداۋ كورسەتۋ جانە مەملەكەتتىك ءتىلدى دامىتۋ ماسەلەلەرى جونىندە جينالىس ءوتتى، دەپ حابارلايدى Almaty-akshamy.kz

ۆيسە-پرەمەر ە. توعجانوۆ سوڭعى جىلدارى مەملەكەتتىك ءتىل ماسەلەسىن كوتەرىپ جۇرگەن ازاماتتار مەن باستاماشىل توپتار قاتارى ارتىپ كەلە جاتقانىن اتاپ ءوتتى. بۇل باعىتتاعى ماسەلەلەردى شەشۋ ءۇشىن ە. توعجانوۆ ءتيىستى مەملەكەتتىك ورگاندارعا ناقتى تاپسىرمالار بەردى. اتاپ ايتقاندا، جاڭا ءارى كوپشىلىككە قىزىقتى كونتەنتتى قالىپتاستىرۋ ءۇشىن ساپالى اۋدارماشى ماماندار پۋلىن قالىپتاستىرۋدى جۇكتەدى. ءتىلدى ۇيرەتۋگە كومەكتەسەتىن، قولايلى قوسىمشالاردى دامىتۋدىڭ ماڭىزدىلىعىن ەسكەرە وتىرىپ، اعىلشىن ءتىلىن ۇيرەتۋگە ارنالعان قوسىمشالاردى جان-جاقتى زەردەلەۋدى تاپسىردى.  

ۆيسە-پرەمەر ە. توعجانوۆ كينولاردىڭ قازاق تىلىندەگى اۋدارمالارىن سىنعا الىپ، قازاقشا مۋلتفيلمدەردىڭ دە ساپاسىن ارتتىرۋ قاجەتتىگىن ايتتى. مەملەكەت باسشىسىنىڭ 2021 جىلعى قازاقستان حالقىنا جولداۋىندا ايتىلعان تاپسىرمانى ىسكە اسىرۋ ءۇشىن ە. توعجانوۆ جاڭا قازاقستاندىق مادەنيەتتى قالىپتاستىرۋ جونىندەگى شارالار جوسپارى اياسىندا قازاق تىلىندەگى تولىقمەتراجدى 2 مۋلتفيلم، 10 مۋلتسەريال، 10 بالالار تەلەباعدارلاماسىن، 20 بالالار ادەبيەتى شىعارماسىن، 30 ساپالى اۋدارما ازىرلەۋ بويىنشا ۇسىنىستاردى پىسىقتاپ ەنگىزۋدى تاپسىردى.