الماتى قالاسىنىڭ اكىمدىگى تۇرعىندارعا تەگىن كوشەت تاراتادى.
كوپ قاباتتى ۇيلەر اۋلاسى مەن قوعامدىق كەڭىستىكتەردى كوگالداندىرۋعا نيەتتى ءاربىر الماتىلىق شاعان، ۇيەڭكى، شەگىرشىن، تەرەك، قاراعان مەن قايىڭنىڭ كوشەتتەرىن تەگىن الا الادى، دەپ حابارلايدى Almaty-akshamy.kz
الماتى قالالىق اكىمدىگىنىڭ باسپا ءسوز قىزمەتىنىڭ اقپاراتىنا سايكەس، ناۋقان قاتىسۋشىلارى وتىرعىزىلعان اعاشتاردى الداعى ءۇش جىل بويى كۇتىپ-باپتاۋ تۋرالى كەپىلدى مىندەتتەمەگە قول قوياتىندىعىن ەسكەرگەن ءجون. قاتىسۋ ءۇشىن zeleniy_dvor_almaty@mail.ru ەلەكتروندى پوشتاسىنا كەلەسى مالىمەتتەردى جولداۋ قاجەت:
- قاتىسۋشىنىڭ ءاتى-جونى مەن تەلەفون ءنومىرى، اعاش وتىرعىزىلاتىن ورىننىڭ ناقتى مەكەنجايى؛
- اعاش وتىرعىزىلاتىن ورىننىڭ فوتوسى (ماماندارعا ورىندى تولىقتاي باعالاۋعا مۇمكىندىك بولۋى ءۇشىن پانورامالىق فورماتتا بولعانى ءجون)؛
3.سۇرالىپ وتىرعان كوشەت ءتۇرى مەن سانى.
وتىنىشتەر 9-18 ناۋرىز ارالىعىندا قابىلدانادى. كوشەتتەردى بوستاندىق اۋدانى، تاجىبايەۆ كوش.، 155ا ( «STAMP SERVICE» ج ش س بازاسى) مەكەنجايىنان الىپ كەتۋگە بولادى.
كەلىپ تۇسكەن وتىنىشتەر 19-27 ناۋرىز ارالىعىندا قاراستىرىلىپ، اعاش وتىرعىزۋ جۇمىستارىن 28 ناۋرىز بەن 12 ءساۋىر ارالىعىندا جۇرگىزۋ جوسپارلانعان. سوڭىنان جوعارىدا كورسەتىلگەن ەلەكتروندى مەكەنجايعا فوتوەسەپ جولداۋ قاجەت. كورسەتىلگەن ۋاقىتتان كەيىن جولدانعان وتىنىشتەر قاراستىرىلمايدى. قوسىمشا اقپارات الۋ ءۇشىن جاسىل قوردى باقىلاۋ بولىمىنە كەلەسى نومىرلەر بويىنشا حابارلاسۋعا بولادى: 272-54-89، 87479958147.