سەبەبى كوروناۆيرۋس ينفەكسياسىنىڭ جاڭا شتاممدارى جەدەل تاراپ جاتىر.
بۇل بۇگىنگى ۇكىمەت وتىرىسىنا قاتىسقان ق ر پرەمەر-مينيسترىنىڭ ورىنباسارى ەرالى توعجانوۆتىڭ ءسوزى، دەپ حابارلايدى Almaty-akshamy.kz.
«جالپى، ەلىمىزدەگى ەپيدەميولوگيالىق جاعداي تۇراقتى. سوڭعى ايدا كوروناۆيرۋس ينفەكسياسىمەن اۋىرۋ كورسەتكىشى 1،7 ەسە تومەندەدى. دەگەنمەن بۇگىندە الەمدە، ونىڭ ىشىندە كورشىلەس ەلدەردە، ناۋقاستار سانىنىڭ كەزەكتى رەت ارتۋى بايقالىپ وتىر»، - دەدى ۇكىمەت باسشىسىنىڭ ورىنباسارى.
ونىڭ ايتۋىنشا، كوروناۆيرۋس ينفەكسياسىنىڭ جاڭا شتاممدارى جەدەل تاراپ جاتىر. «نۇر-سۇلتان قالاسىندا جۇرگىزىلگەن سكرينينگتىڭ الدىن الا ناتيجەسى ۆيرۋستىڭ مۋتاسياسىن انىقتادى، ول «دەلتا» شتامىنا ءتان ەكەنىن كورسەتىپ وتىر. وسىعان بايلانىستى ءوڭىر اكىمدەرىنەن ەپيدەميولوگيالىق احۋالدى باقىلاۋدى كۇشەيتۋدى سۇرايمىز»، - دەدى ەرالى توعجانوۆ.