11 تامىزدا ەقىۇ قازىرگى ءتوراعاسى، سولتۇستىك ماكەدونيانىڭ سىرتقى ىستەر ءمينيسترى بۋيار وسماني قازاقستانعا رەسمي ساپارمەن كەلەدى، دەپ حابارلايدى Almaty-akshamy.kz.
بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ اپتالىق بريفينگتە ايتتى.
«11 تامىزدا ەقىۇ قازىرگى ءتوراعاسى، سولتۇستىك ماكەدونيانىڭ سىرتقى ىستەر ءمينيسترى بۋيار وسماني قازاقستانعا رەسمي ساپارمەن كەلەدى. ساپار اياسىندا ب.ءوسمانيدىڭ ەل باسشىلىعىمەن، سەنات ءتوراعاسى ماۋلەن اشىمبايەۆپەن، پرەمەر-مينيستر ورىنباسارى – سىرتقى ىستەر ءمينيسترى مۇرات نۇرتىلەۋمەن، ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆامەن كەزدەسۋلەر جوسپارلانىپ وتىر»، - دەدى ق ر ءسىم رەسمي وكىلى.
سپيكەردىڭ ايتۋىنشا، كەلىسسوزدەر بارىسىندا قازاقستاننىڭ ەقىۇ-مەن ءوزارا ءىس-قيمىلىنىڭ وزەكتى ماسەلەلەرى، ەلىمىز بەن سولتۇستىك ماكەدونيا ىنتىماقتاستىعىن ودان ءارى دامىتۋ پەرسپەكتيۆالاى جونىندە پىكىر الماسۋ وتەدى.