ەقىۇ جانىنداعى ۇلىبريتانيا ميسسسياسى 2022 جىلدىڭ 20 قاڭتارىندا ۆەنادا قازاقستانداعى احۋال تالقىلانعان ۇيىمنىڭ تۇراقتى كەڭەسى وتىرىسىنداعى مالىمدەمەسىن جاريا ەتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«جاقىن دوس رەتىندە ءبىز سوڭعى اپتادا قازاقستان حالقى تاپ بولعان قايعىلى وقيعالارعا الاڭداۋشىلىق تانىتامىز. زورلىق-زومبىلىق سالدارىنان ادامداردىڭ قازا تابۋىنا تەرەڭ كۇيزەلەمىز جانە قايتىس بولعانداردىڭ وتباسىلارىنا كوڭىل ايتامىز. زورلىق-زومبىلىق جانە مۇلىكتەردى قيراتۋ اكتىلەرىن ايىپتايمىز جانە الماتى جانە باسقا قالالاردىڭ تىنىس-تىرشىلىگى قالىپتى ارناعان تۇسە باستاعانىنا قۋانىشتىمىز»، - دەدى ەقىۇ جانىنداعى ۇلىبريتانيانىڭ تۇراقتى وكىلى، ەلشىسى نيل بۋش.
بريتان دەلەگاسياسى پرەزيدەنت قاسىم-جومارت توقايەۆتىڭ ءوزىنىڭ جاريا ءسوز سويلەۋلەرىندە بەيبىت شەرۋشىلەر مەن الماتىدا جانە وزگە دە ءبىرقاتار قالادا بەيبىت نارازىلىقتى باسىپ العان «ۇيىمداسقان قىلمىستىق ەلەمەنتتەر» اراسىنداعى ناقتى ايىرماشىلىقتى اتاپ وتكەنىن قولدادى.
ديپلومات سوڭعى توپتىڭ «كونستيتۋسيالىق بيلىكتى قۇلاتۋ ماقساتى بولعاندىعى ايقىن» ەكەندىگىن اتاپ وتە كەلە، بۇل ماسەلە «تىڭعىلىقتى تەرگەۋ جۇرگىزۋدى تالاپ ەتەتىندىگىن» باسا ايتتى.
«قازاقستان پرەزيدەنتىنىڭ وسىناۋ تەڭدەسسىز وقيعانىڭ شىعۋىنا نە تۇرتكى بولعانىن انىقتاۋ ءۇشىن تەرگەۋ كوميسسياسىن قۇرۋ شەشىمىن قولدايمىز. قازاقستان بيلىگىنىڭ بۇل تەرگەۋلەردىڭ ءتيىمدى ءارى اشىق جانە قازاقستان حالقىنىڭ سەنىمىنە يە بولۋىنا بەيىل تانىتۋىنا قولداۋ بىلدىرەمىز»، - دەدى بريتان ەلشىسى.