قازاقستان ەكونوميكاسىنىڭ ءوسىمى 2022 جىلى 2 پروسەنتتى، ال 2023 جىلى 2،5 پروسەنتتى قۇرايدى.
بۇل بولجامداردى ەۋروپالىق قايتا قۇرۋ جانە دامۋ بانكى كەلتىرىپ وتىر، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
حالىقارالىق قارجى ينستيتۋتىنىڭ ەسەپتەۋىنشە، رەسپۋبليكا اتالعان كورسەتكىشتەرگە قازىرگى ەكسپورت كولەمىن ساقتاعان جاعدايدا قول جەتكىزە الادى. دەگەنمەن ءوسىم الدىڭعى جىلدارمەن سالىستىرعاندا ءبىرشاما تومەن.
ساراپشىلار ۋكرايناداعى سوعىس كوپتەگەن ءوندىرىس پروسەسىن تەجەيتىنىن اتاپ ءوتتى. رەسەيگە سالىنعان سانكسيالارعا بايلانىستى قازاقستان ءۇشىن لوگيستيكالىق باعىتتار بىرنەشە ەسە قىمباتتادى. بۇل ينفلياسياعا عانا ەمەس، سونىمەن قاتار كوپتەگەن تاۋار پوزيسيالارىنىڭ باسەكەگە قابىلەتتىلىگىنە كەرى اسەر ەتەدى.