نىسان 2026 جىلدىڭ جەلتوقسانىندا پايدالانۋعا بەرىلەدى.
ەۋروپالىق قايتا قۇرۋ جانە دامۋ بانكى الماتى جەو-2ء-نى جاڭعىرتۋعا 130 ملرد تەڭگە بولەدى، دەپ حابارلايدى Almaty-akshamy.kz "سامۇرىق-ەنەرگو" اق باسپا ءسوز قىزمەتىنە سىلتەمە جاساپ.
"الماتى ەلەكتر ستانسالارى" اق مەن ونىڭ يەسى جانە ەۋروپالىق قايتا قۇرۋ جانە دامۋ بانكى (ەقدب) اراسىندا "الماتى جەو-2ء-نىڭ قورشاعان ورتاعا اسەرىن بارىنشا ازايتۋ ارقىلى جاڭعىرتۋ" جوباسىن قارجىلاندىرۋ تۋرالى نەسيەلىك كەلىسىمگە قول قويىلدى. مامىلە سوماسى 130 ملرد تەڭگەنى قۇرايدى"، - دەپ جازىلعان حابارلامادا.
سونىمەن قاتار "الماتى ەلەكتر ستانسالارىنا" قارجى ءبولۋ تۋرالى تاعى ءبىر كەلىسىمگە قول قويىلدى.
"ەسكى جەو-2 جانىنداعى ۋچاسكەدە جاڭا گاز ستانساسىنىڭ قۇرىلىسى بويىنشا جۇمىس سينديكات، جەتەكشى حالىقارالىق جانە قازاقستاندىق بانكتەر – ەقدب، ازيا دامۋ بانكى (ادب) جانە قازاقستاننىڭ دامۋ بانكى قارجىلارىن تارتۋ ارقىلى جوسپارلانۋدا. قارجى تەڭگەمەن بەرىلەدى"، – دەپ جازىلعان حابارلامادا.
جوبا "سامۇرىق-قازىنا" مەملەكەتتىك قورىنىڭ قولداۋىمەن جۇزەگە اسىرىلىپ جاتقانى اتاپ وتكەن ءجون. ۇلتتىق ءال-اۋقات قورى ءوزىنىڭ كورپوراتيۆتىك كەپىلدىگىن بەرەدى، بۇل ساراپشىلاردىڭ پىكىرىنشە، تاۋەكەلدەردى ازايتۋعا جانە نەسيە بەرۋ شارتتارىن جاقسارتۋعا كومەكتەسەدى، ال كەلىسىمنىڭ ءوزى جوبانى ۇزاق مەرزىمدى قارجىمەن قامتاماسىز ەتەدى.
نەسيەلىك كەلىسىمگە "الەس" اق باسقارما ءتوراعاسى ەرلان كىركىمبايەۆ پەن ەقدب ەۋرازيا، تاياۋ شىعىس جانە افريكا بويىنشا ەنەرگەتيكا دەپارتامەنتىنىڭ ديرەكتورى ايدا سيتديكوۆا قول قويدى.
"الماتى جەو-2ء-نى قورشاعان ورتاعا تيگىزەتىن اسەرىن بارىنشا ازايتۋ ارقىلى جاڭعىرتۋ" جوباسى الماتى جەو-2 الاڭىندا قۋاتى 600 مۆت-قا دەيىنگى گازتۋربينالىق تەحنولوگيالاردى قولداناتىن جاڭا ستانسا سالۋدى كوزدەيدى.
نىسان 2026 جىلدىڭ جەلتوقسانىندا پايدالانۋعا بەرىلەدى.