21 جەلتوقساننان باستاپ قاراكولدىڭ جاعالاۋىندا اققۋلار جاپپاي قىرىلىپ جاتىر. زەرتتەۋ ناتيجەسى "قۇس تۇماۋى" (H5N1 شتامى) سەبەپ بولدى دەيدى. ەپيدەميولوگتار وبلىس تۇرعىندارىنا اۋرۋ جۇقتىرۋ ءقاۋپى بار ەكەنىن ەسكەرتىپ، اققۋلاردىڭ ولەكسەسىنە جاقىنداماۋدى سۇرادى..
وسى ۋاقىتقا دەيىن وبلىستا ادامدار اراسىندا قۇس تۇماۋى تىركەلمەگەن. قۇس تۇماۋىنىڭ ۆيرۋسى ادامنان ادامعا بەرىلمەيتىنىن ەستە ۇستاعان ءجون.
ەگەر جرۆي جانە تۇماۋمەن سىرقاتتانۋشىلىق ماۋسىمدىق ءوسۋى كەزىندە مىنا ۇسىنىستار ورىندالماسا، بۇل ۆيرۋستىڭ حالىق اراسىندا تارالۋ ءقاۋپى بار:
- ينفەكسيا وشاعىنا (اققۋلار ولگەن جەرلەرگە) بارۋدان باس تارتۋ؛
- ماسكا تاعىڭىز، قولىڭىزدى جاقسىلاپ جۋىڭىز جانە انتيسەپتيك قولدانىڭىز؛
- اۋرۋ جۇقتىرعان ءتىرى (نەمەسە ءولى) قۇسپەن بايلانىستا بولماۋ (ءقاۋىپ فاكتورلارىنا اۋرۋ قۇستىڭ ۇشاسىن سويۋ، جۇلۋ جانە وڭدەۋ كىرەدى)؛
- العاشقى بەلگىلەر بايقالعاندا ءوزىن-وزى ەمدەۋگە بولمايدى، مەديسينا كومەگىنە جۇگىنۋ كەرەك، ۇيگە دارىگەر شاقىرۋ كەرەك.
بۇعان دەيىن اققۋلاردىڭ قىرىلۋ فاكتىسى بىرنەشە رەت تىركەلدى. الايدا مۇنداي جاپپاي ءولىم بۇرىن-سوڭدى بولماعان. ساراپشىلار ءقازىردىڭ وزىندە 800-دەن استام ولگەن قۇستاردىڭ ولەكسەسىن تاپتى، ولاردىڭ سانى ارتۋى مۇمكىن.