بارلىق ءوڭىر «جاسىل» ايماقتا
كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا 16 شىلدەدەگى جاعداي بويىنشا ەل وڭىرلەرىندەگى ەپيدەميولوگيالىق احۋالدى باعالاۋ ماتريساسىن جاريالادى، دەپ حابارلايدى Almaty-akshamy.kz.
وعان سايكەس، ەلىمىزدىڭ بارلىق ءوڭىرى «جاسىل» ايماقتا ورنالاسقان: نۇر-سۇلتان، الماتى جانە شىمكەنت قالالارى، الماتى، اقتوبە، اتىراۋ، اقمولا، باتىس قازاقستان، شىعىس قازاقستان، جامبىل، قاراعاندى، قوستاناي، قىزىلوردا، ماڭعىستاۋ، سولتۇستىك قازاقستان، پاۆلودار جانە تۇركىستان وبلىستارى.
ەسكە سالساق، بۇعان دەيىن الماتى قالاسى بىرنەشە كۇن «سارى» ايماقتا ورنالاسقان بولاتىن.
كەشە دەنساۋلىق ساقتاۋ ءمينيسترى اجار عينيات كوروناۆيرۋس بويىنشا ەپيدەميولوگيالىق جاعدايدى باعالاۋ ماتريساسى ەندى جاڭا تارتىپپەن ايقىندالاتىنىن ءمالىم ەتكەن ەدى.
15 شىلدە كۇنگى ءبىر تاۋلىكتە ەلىمىزدە كوروناۆيرۋس 1470 ادامنان انىقتالدى.