ۇستازداردىڭ 100% ەكپە العانى ءجون.
قازاقستان ۇكىمەتىنىڭ مۇشەلەرى الداعى كۇزدە مەكتەپ وقۋشىلارى قانداي فورماتتا ءبىلىم الاتىنى تۋرالى ايتتى. ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم كوميتەتى ءتوراعاسىنىڭ ورىنباسارى جومارت قارامبايەۆ بارلىعى ەپياحۋالعا بايلانىستى دەگەندى ايتتى، دەپ حابارلايدى Almaty-akhamy.kz قازاقپاراتقا سىلتەمە جاساپ.
«شەشىمدى كوروناۆيرۋستى تاراتپاۋ جونىندەگى ۆەدومستۆوارالىق كوميسسيا شىعارىپ، ول شەشىم مەملەكەتتىك سانيتارلىق دارىگەردىڭ قاۋلىسىمەن بەكىتىلەدى. ەپيدەميولوگيالىق جاعداي جاقسارعان كەزدە مينيسترلىك ءداستۇرلى وقىتۋ فورماتىنا كوشۋگە دايىن»، - دەدى جومارت قارامبايەۆ.
ونىڭ ايتۋىنشا، قالىپتى وقۋ فورماتىنا اۋىسۋ ءۇشىن پەداگوگتەرگە ۆاكسينا الۋ تالابى قويىلمايتىنىن ايتتى.
«مۇنداي تالاپتار قويىلمايدى، مۇعالىمدەر ەرىكتى تۇردە ەكپە الىپ جاتىر. ەڭ باستىسى، ۇجىمدىق يممۋنيتەت قالىپتاسۋى كەرەك. سول ءۇشىن ۇستازداردىڭ 100 پايىز ۆاكسينا العانى ءجون بولار ەدى»، - دەدى ۆەدومستۆو وكىلى.