شىعىس قازاقستان وبلىسىندا مەملەكەتتىك كەڭەسشى ەرلان قاريننىڭ قاتىسۋىمەن ءبىرقاتار كەزدەسۋلەر ءوتتى، دەپ حابارلايدى aqshamnews.kz
الدىمەن، ەرلان قارين وبلىس اكىمى ەرمەك كوشەربايەۆ جانە مەملەكەتتىك ورگاندار باسشىلارىمەن ىشكى ساياسات ماسەلەلەرى بويىنشا جينالىس وتكىزدى. وندا ازاماتتىق قوعامدى دامىتۋ، جاستاردى قولداۋ جانە ەل بىرلىگىن نىعايتۋ ماسەلەلەرى تالقىلاندى. سونىمەن قاتار، پرەزيدەنت باستامالارىنىڭ جۇزەگە اسىرىلۋ بارىسى مەن يدەولوگيالىق جۇمىستىڭ ماڭىزدى باعىتتارى ءسوز بولدى.
ۇلتتىق قۇرىلتاي مۇشەلەرى جەرگىلىكتى ساراپشىلارمەن كەزدەسىپ، وڭىردەگى قوعامدىق-ساياسي احۋالعا قاتىستى ماسەلەلەردى كوتەردى. ولار بىرلەسكەن ءىس-قيمىلدىڭ فورماتىن تالقىلاپ، زەرتتەۋ جۇمىستارىنا قاتىستى پىكىر الماستى.
سونىمەن قاتار، مەملەكەتتىك كەڭەسشى وڭىردەگى قوعامدىق كەڭەس وكىلدەرىمەن كەزدەسۋ وتكىزىپ، پرەزيدەنت جولداۋىنداعى ەكونوميكالىق رەفورمالارعا نازار اۋداردى. ەرلان قارين ەلىمىزدىڭ ەكونوميكالىق وسىمىنە ىقپال ەتەتىن ماڭىزدى شارالار قاتارىندا ەنەرگيا قۋاتىنىڭ جاڭا كوزدەرىن دامىتۋ، اتاپ ايتقاندا، اتوم ەلەكتر ستانسياسىن سالۋدىڭ ماڭىزدىلىعىنا ەرەكشە توقتالدى.
كەزدەسۋلەردىڭ ماقساتى — جەرگىلىكتى قوعاممەن ديالوگتى نىعايتۋ جانە وڭىرلەردەگى الەۋمەتتىك ماسەلەلەردى شەشۋ ءۇشىن ۇسىنىستار ازىرلەۋ بولدى.