ۇكىمەت وتىرىسىندا ەنەرگەتيكا ءمينيسترى ەرلان اقكەنجەنوۆ انت بەردى.
پرەمەر-مينيستر ولجاس بەكتەنوۆ وتىرىستىڭ الدىندا ەنەرگەتيكا سالاسىنداعى اۋىس-تۇيىستەرگە توقتالىپ، اتوم ەنەرگياسى جونىندەگى اگەنتتىگىنىڭ ءتوراعاسى بولىپ تاعايىندالعان الماسادام ساتقالييەۆكە جاڭا قىزمەتىندە تابىس تىلەدى. ونىڭ ورنىنا ەنەرگەتيكا ءمينيسترى بولىپ تاعايىندالعان ەرلان اقكەنجەنوۆ ارىپتەستەرىنىڭ الدىندا انت بەردى.
— قازاقستان رەسپۋبليكاسىنىڭ حالقى مەن پرەزيدەنتى الدىندا ءوز وتانىم — قازاقستان رەسپۋبليكاسىنىڭ ەكونوميكالىق جانە رۋحاني دامۋ ىسىنە بارلىق كۇش-جىگەرىم مەن ءبىلىمىمدى جۇمساۋعا، مەملەكەتتىڭ كونستيتۋسياسى مەن زاڭدارىن قاتاڭ ساقتاۋعا، ءوزىمنىڭ ءىس ارەكەتىمدە زاڭدىلىق پەن ادىلەتتىلىك، ازاماتتىق، ۇلتارالىق جانە كونفەسسياارالىق تاتۋلىق پرينسيپتەرىن ۇستانۋعا، قازاقستان حالقىنا ادال قىزمەت ەتۋگە، ءوز ەلىمنىڭ مەملەكەتتىلىگى مەن دۇنيەجۇزىلىك قوعامداستىقتاعى بەدەلىن نىعايتا بەرۋگە انت ەتەمىن، — دەدى ەرلان اقكەنجەنوۆ.