بۇل مۇمكىندىك Android 2.22.8.3-تە WhatsApp-تىڭ beta نۇسقاسىن ورناتقاننان كەيىن پايدا بولادى.
ەندى WhatsApp مەسسەندجەرىنىڭ قولدانۋشىلارى حابارلاماعا رەاكسيا قالدىرا الادى، دەپ حابارلايدى Almaty-akshamy.kz Runet.news-كە سىلتەمە جاساپ.
كەلگەن حابارلامانى ۇزاق باسىپ تۇرسا، باس بارماق كورسەتۋ، جۇرەكشە، جىلاۋ، كۇلۋ، تاڭعالۋ، العىس ءبىلدىرۋ بەينەسىندەگى التى ەمودزي شىعادى. سولاردىڭ ءبىرى ارقىلى حاتقا جاۋاپ بەرۋگە بولاتىنى ايتىلعان. ازىرگە بۇل فۋنكسيانى قولدانۋشىلاردىڭ شەكتەۋلى سانى عانا پايدالانا الادى.
Google Play پاراقشاسىنداعى اقپاراتقا سايكەس، رەاكسيالار جاقىن ارادا iOS جانە كومپيۋتەرگە ارنالعان قوسىمشادا پايدا بولادى. بىلتىرعى جەلتوقساندا مۇنداي فۋنكسيا Telegram-دا قولدانىسقا ەنگىزىلگەن بولاتىن.