1 شىلدەدەن باستاپ ينتەرنەت-پلاتفورمالار ارقىلى جۇمىس ىستەيتىن تاكسي جۇرگىزۋشىلەرى مەن كۋرەرلەر سالىق تولەيدى
مەملەكەتتىك كىرىستەر كوميتەتىنىڭ مالىمەتىنە سايكەس، تاكسي نەمەسە كۋرەرلىك جەتكىزۋ قىزمەتىن كورسەتۋ كەزىندە ازامات «eSalyq Business» موبيلدىك قوسىمشاسىن قولدانا وتىرىپ، جەكە كاسىپكەر نەمەسە قانداي دا ءبىر كومپانياعا جالدامالى قىزمەتكەر رەتىندە تىركەلۋى قاجەت. تيىسىنشە، ول شارت جاساسۋ ارقىلى سالىق پەن الەۋمەتتىك تولەمدەردى اۋدارۋعا مىندەتتەلەدى.
كەيىن پلاتفورما وپەراتورى قىزمەتكەرگە ايلىعىن تولەۋ كەزىندە تيەسىلى سالىقتار مەن الەۋمەتتىك تولەمدەردى ۇستاپ قالادى. ارتىنشا، بۇل مالىمەتتەر اۆتوماتتى تۇردە مەملەكەتتىك كىرىستەر كوميتەتىنە بەرىلەدى.
بۇل تالاپتار بۇرىننان بار، دەگەنمەن ءتۇرلى سەبەپتەرگە بايلانىستى ونى كوپ ادام ورىنداماي كەلەدى. سەبەبى 1 پايىزدىق ستاۆكامەن تابىس سالىعىن جانە الەۋمەتتىك تولەمدەردى (زەينەتاقى جارنالارى، الەۋمەتتىك اۋدارىمدار جانە مەديسينالىق ساقتاندىرۋ) وتەۋ قاجەت.
باستاپقى كەزەڭدە اتالعان پيلوتتىق جوباعا «Yandex» ينتەرنەت-پلاتفورماسىندا تىركەلگەن تاكسي جۇرگىزۋشىلەرى ەرىكتى نەگىزدە قاتىسادى.