بۇيرىق 2024 جىلعى 13 ساۋىردەن باستاپ قولدانىسقا ەنگىزىلەدى.
شەتەلدىكتەر قازاقستان رەسپۋبليكاسىنىڭ شەتەلدەردەگى مەكەمەلەرى ارقىلى جسن الا الادى، دەپ حابارلايدى Almaty-akshamy.kz
"مەملەكەتتىك قىزمەت كورسەتۋ بويىنشا پيلوتتىق جوبا اياسىندا ەندى شەتەل ازاماتتارى قازاقستان رەسپۋبليكاسىنىڭ شەتەلدەردەگى مەكەمەلەرى ارقىلى جسن الا الادى" ، – دەلىنگەن قۇجاتتا.
جوبانىڭ قولدانىلۋ مەرزىمى - 2024 جىلعى 31 جەلتوقسانعا دەيىن.
مەملەكەتتىك قىزمەت كورسەتۋ مەرزىمى ءبىر جۇمىس كۇنىن الادى.
ازاماتتىڭ ق ر شەت ەلدەردەگى مەكەمەسىنە جۇگىنگەن كۇنى مەملەكەتتىك قىزمەت كورسەتۋ مەرزىمىنە كىرمەيدى.
مەملەكەتتىك قىزمەتتى الۋ ءۇشىن ازامات مەكەمەگە ءوزى جۇگىنۋى كەرەك. سونىمەن قاتار، تومەندەگى قۇجاتتار قاجەت:
فورما بويىنشا ءوتىنىش؛
جەكە باسىن كۋالاندىراتىن قۇجاتتىڭ كوشىرمەسى جانە سالىستىرىپ تەكسەرۋ ءۇشىن ونىڭ ءتۇپنۇسقاسى (ەگەر ق ر حالىقارالىق شارتتارىندا وزگەشە ءتارتىپ بەلگىلەنبەسە، شەتەلدىك پاسپورتتا جارامدى).
ەگەر كورسەتىلەتىن قىزمەتتى الۋشىنىڭ جەكە باسىن كۋالاندىراتىن قۇجاتتا كيريلليسادا نەمەسە لاتىن الىپبيىندە انىقتاما دەرەكتەرىنىڭ (تەگى، اتى، اكەسىنىڭ اتى، تۋعان جەرى) جازىلۋى بولماسا، نوتاريات كۋالاندىرعان قۇجاتتىڭ ءتيىستى اۋدارماسىن قوسىمشا الىپ كەلۋ كەرەك.
قولدانىلۋ مەرزىمى وتكەن قۇجاتتار نەمەسە تولىق ەمەس قۇجاتتار توپتاماسى ۇسىنىلعان جاعدايدا قۇجاتتار قابىلدانبايدى.
قىزمەتتى الۋشى قاجەتتى قۇجاتتاردى وتكىزگەننەن كەيىن:
قۇجاتتاردى تەكسەرۋ
حقكو ياج-دا جسن قالىپتاستىرۋعا ءوتىنىمدى رەسىمدەۋ.
ءوتىنىمنىڭ دايىن بولۋ رەتتىلىگى:
حقكو ياج-عا كەلىپ تۇسكەن جسن قالىپتاستىرۋعا بايلانىستى وتىنىمدەر تولتىرىلادى.
دايىن فورمادا كوشى-قون پوليسياسىنىڭ اقپاراتتىق جۇيەسىنە جىبەرىلەدى.
ءىىم وپەراتورى كەلىپ تۇسكەن وتىنىمدەردى تەكسەرەدى جانە ءوتىنىم دۇرىس بولعان جاعدايدا جسن قالىپتاستىرۋ ءراسىمىن جۇزەگە اسىرادى.
ارتىنشا، ءىىم وپەراتورى كوشى-قون پوليسياسى ارقىلى حقكو ياج-عا دايىن جسن تۋرالى مالىمەتتەردى جىبەرەدى.
سودان كەيىن كونسۋل تىركەۋ كۋالىگىن باسىپ شىعارادى جانە ونى كورسەتىلەتىن قىزمەتتى الۋشىعا بەرەدى.
پيلوتتىق جوبا ىسكە اسىرىلاتىن قازاقستان رەسپۋبليكاسىنىڭ شەت ەلدەردەگى مەكەمەلەرىنىڭ ءتىزىمى بەكىتىلدى. ونىڭ قۇرامىنا رەسپۋبليكانىڭ 96 ەلشىلىگى مەن كونسۋلدىعى كىردى.