ق ر ءبىلىم جانە عىلىم ءمينيسترى پەداگوگتەردىڭ كاسىبي قىزمەتىن جۇزەگە اسىرۋى ءۇشىن قولايلى جاعداي جاساۋ ماقساتىندا «پەداگوگتەر قۇقىقتارىنىڭ بۇزىلۋىنا جول بەرمەۋ تۋرالى» 2022 جىلعى 27 ساۋىردەگى №172 بۇيرىققا قول قويدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى ءبىلىم ساپاسىن قامتاماسىز ەتۋ دەپارتامەنتىنىڭ باسشىسى گۇلنار ەرمەكبايەۆا مالىمدەدى، دەپ حابارلايدى اlmaty-akshamy.kz.
قالانىڭ، اۋدانداردىڭ ءبىلىم بەرۋدى باسقارۋ ورگاندارى مەن ءبىلىم بەرۋ ۇيىمدارىنا پەداگوگتەردىڭ كاسىپتىك قىزمەتىن جۇزەگە اسىرۋى كەزىندە مىنالارعا جول بەرىلمەيدى:
ق ر زاڭناماسىنا سايكەس، ازىرلەنگەن لاۋازىمدىق نۇسقاۋلىقتاردا كوزدەلمەگەن جۇمىس تۇرلەرىنە تارتۋعا؛
پەداگوگتەر جۇرگىزۋگە مىندەتتى قۇجاتتار تىزبەسىندە كوزدەلمەگەن ەسەپتىلىكتى نە اقپاراتتى تالاپ ەتۋگە؛
ق ر اكىمشىلىك راسىمدىك پروسەستىك كودەكسىندە كوزدەلمەگەن تەكسەرۋلەردى جۇرگىزۋگە؛
ولارعا تاۋارلار مەن قىزمەتتەردىڭ ءارتۇرلى تۇرلەرىن ساتىپ الۋ بويىنشا مىندەتتەر جۇكتەۋگە.
بۇل رەتتە ءبىلىم بەرۋ ۇيىمدارى قاجەتتى اقپاراتتى تەك ق ر ءبعم-نىڭ، سونداي-اق قالانىڭ، اۋداننىڭ ءبىلىم بەرۋدى باسقارۋ ورگاندارىنىڭ سۇراتۋلارىنا ق ر زاڭناماسىندا بەلگىلەنگەن تارتىپپەن ۇسىنۋى ءتيىس.
سونداي-اق، گ. ەرمەكبايەۆا جوعارى تۇرعان مەملەكەتتىك ورگانداردىڭ نەمەسە لاۋازىمدى تۇلعالاردىڭ تاپسىرماسى بويىنشا ءىس-شارالاردى ءبىلىم بەرۋ سالاسىنداعى مەملەكەتتىك ساياساتتىڭ نەگىزگى قاعيداتتارىنا، «ءبىلىمدى ۇلت» ساپالى ءبىلىم بەرۋ» ۇلتتىق جوباسىنا، مەملەكەتتىك جالپىعا مىندەتتى ءبىلىم بەرۋ ستاندارتىنا، سونداي-اق مينيسترلىكتىڭ جۇمىس جوسپارىنا سايكەس جۇرگىزۋ قاجەتتىگىن اتاپ ءوتتى.
ءبىلىم بەرۋدى باسقارۋ ورگاندارى وسى بۇيرىقتىڭ تارماقتارىن، ونىڭ ىشىندە پەداگوگ قۇقىعىن بۇزعان جاعدايدا كوميتەتتىڭ اۋماقتىق بولىمشەلەرىنە، ياعني ءبىزدىڭ دەپارتامەنتكە جۇگىنۋگە قۇقىلى. كوميتەت پەن اۋماقتىق دەپارتامەنتتەر ق ر «پەداگوگ مارتەبەسى تۋرالى» زاڭىنىڭ تالاپتارىن بۇزعان تۇلعالارعا قاتىستى تۇبەگەيلى شارالار قابىلدايدى. وسى بۇيرىقپەن ءبىلىم بەرۋ ۇيىمىنىڭ ءاربىر باسشىسى تانىسىپ، پەداگوگتەرگە جەتكىزۋى ءتيىس.