ءماجىلىس ويىن بيزنەسى، لوتەرەيالار جانە لوتەرەيا قىزمەتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسى مەن وعان ىلەسپە تۇزەتۋلەردى جۇمىسقا الدى، دەپ حابارلايدى Almaty-akshamy.kz.
زاڭ جوباسى مەملەكەت باسشىسىنىڭ قۇمار ويىندارعا شەكتەۋ قويۋ تاپسىرماسىنىڭ شەڭبەرىندە پارلامەنت دەپۋتاتتارىنىڭ باستاماسىمەن ازىرلەندى، - دەدى زاڭنىڭ نەگىزگى ماقساتىن تۇسىندىرگەن دەپۋتات اسحات ايماعامبەتوۆ.
زاڭداردىڭ نەگىزگى نوۆەللالارى مىناداي:
بىرىنشىدەن. بۋكمەكەرلىك كەڭسەلەر مەن توتاليزاتورلاردىڭ جارناماسىن عيماراتتاردا، بيلبوردتاردا، باق-تا، كولىكتەردە ورنالاستىرۋعا جانە تاراتۋعا تىيىم سالۋ تۋرالى نورمانى قاراستىرىپ وتىر. سونداي-اق باسقا جەردەگى جارناماسىن شەكتەۋ ۇسىنىلادى.
ەكىنشىدەن. بورىشكەرلەردىڭ ءبىرىڭعاي تىزىمىندە تۇرعان ازاماتتارعا قۇمار ويىندارعا قاتىسۋعا تىيىم سالۋ ۇسىنىلادى.
ۇشىنشىدەن. ليسەنزياسى جوق شەتەلدىك بۋكمەكەرلىك كەڭسەلەردىڭ، توتاليزاتورلاردىڭ ينتەرنەت رەسۋرستارىنا تىيىم سالىپ، ولاردى بۇعاتتاۋ ۇسىنىلادى. زاڭنامانى بۇزعان ويىن بيزنەسىن ۇيىمداستىرۋشىلار ءۇشىن اكىمشىلىك جانە قىلمىستىق جاۋاپكەرشىلىك ەنگىزۋ سياقتى باسقا دا ماڭىزدى نورمالار بار.