بۇرىن بۇل قىزمەت ەلىمىزدىڭ حقكو-دا جانە جەرگىلىكتى اتقارۋشى ورگانداردا كورسەتىلىپ كەلگەن.
ەندى قولدانۋشى جسن جانە ەلەكتروندىق سيفرلىق قولتاڭباسى ارقىلى بۇل قىزمەتكە eGov.kz پورتالىندا تاپسىرىس بەرە الادى، دەپ حابارلايدى Almaty-akshamy.kz
«قىزمەتتى الۋ ءۇشىن ءوتىنىش بەرۋشى بارلىق مىندەتتى جولداردى تولتىرىپ، سۇراتىلعان قۇجاتتاردى قوسا بەرۋى قاجەت. تىركەلگەن فايلدار pdf نەمەسە jpg فورماتىندا بولۋى كەرەك»، دەپ جازىلعان ەڭبەك جانە حالىقتى الەۋمەتتىك قورعاۋ مينيسترلىگى تاراتقان اقپاراتتا.
ءوتىنىم بەرگەن كەزدە قولدانۋشى قانداس مارتەبەسىن بەرۋ نەمەسە ۇزارتۋعا قاتىستى وتباسى مۇشەلەرى بويىنشا دا مالىمەتتەردى تولتىرا الادى. بۇل رەتتە وتباسى مۇشەلەرىنىڭ سانىنا شەكتەۋ جوق. بۇدان ءارى قولجەتىمدى تاسىلدەردىڭ بىرىمەن سۇراۋ سالۋعا قول قويۋ قاجەت.
ۇسىنىلعان دەرەكتەر ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتتىق جۇيەلەرى ارقىلى تەكسەرىلەدى.
مەملەكەتتىك قىزمەتتى كورسەتۋ مەرزىمى – 4 جۇمىس كۇنى.