ول ءۇشىن كەيىنگى بەس جىلدا مەنشىكتى باسپاناسى بولماۋى كەرەك، جدەپ حابارلايدى aqshamnews.kz 24.kz-كە سىلتەمە جاساپ.
تۇرعىن ءۇي زاڭىنا وسىنداي وزگەرىس ەندى. سونداي-اق حالىقتىڭ قولىن قونىس-جايعا جەتكىزۋ ءۇشىن بىرنەشە ەرەجە وزگەردى. ەلدە 650 مىڭنان استام ادام ءۇي كەزەگىندە تۇر، دەپ حابارلايدى aqshamnews.kz 24.kz-كە سىلتەمە جاساپ.
ۇزىن-سونار ءتىزىم كۇن ساناپ كوبەيمەسە، ازايار ءتۇرى جوق. پاتەر جالداپ، كەزەكتە جىلداپ تۇراتىن جۇرتتىڭ جايى ەندى عانا جاقسارۋى مۇمكىن. زاڭعا وزگەرىس ەندى. جاڭا قۇجات كۇشىنە ەنسە، حالىقتىڭ قولى قونىس-جايعا جەتەدى. جوسپار دا، مەجە دە وسى.
جانسۇلتان ماتاي، «وتباسى بانكى» ءتوراعاسىنىڭ ورىنباسارى: - وسى زاڭعا سايكەس وتباسى بانكى ۇلتتىق ينستيتۋتى مارتەبەسى بەرىلىپ جاتىر جانە وعان وسى تۇرعىن ءۇي كەزەگىندە ورتالىقتاندىرىلعان ءبىر جۇيەدە جۇرگىزۋ قۇقىعى بەرىلىپ جاتىر. بۇل جاڭالىقتاردىڭ بارلىعى وتباسى بانكتە تولىعىمەن 6 ايدان كەيىن جۇمىس جاسايتىن بولادى. سەبەبى وسى زاڭدا 6 اي وتپەلى كەزەڭ قاراستىرىلعان. وسى 6 ايدىڭ ىشىندە اكىمدىكتەر بۇگىنگى تاڭدا وزدەرى جۇرگىزىپ وتىرعان كەزەكتىڭ بارلىعىن وتباسى بانككە بەرەدى.
كەز كەلگەن قازاقستاندىق ءۇي كەزەگىنە تۇرا الادى ءيا، كەزەكتى بۇرىڭعىداي جەرگىلىكتى اكىمدىكتەر جۇرگىزبەيدى. ەندى بۇل جاۋاپكەرشىلىك وتباسى بانكىنە جۇكتەلەدى. سونداي-اق كەز كەلگەن قازاقستاندىق ءۇي كەزەگىنە تۇرا الادى. تەك كەيىنگى بەس جىلدىقتا باسپاناسى بولماۋى شارت.
ناۋرىز سايلاۋباي، ق ر پارلامەنتى ءماجىلىسىنىڭ دەپۋتاتى: - بۇعان دەيىن ءسىز مەملەكەتتىك قىزمەتكەر رەتىندە، كىشى قىزمەتكەر رەتىندە نەمەسە باسقا مامان رەتىندە عانا كەزەككە تۇرالعان بولساڭىز، بۇدان كەيىن مەملەكەتتىك قىزمەتكەر بولماساڭىز دا، بيزنەس وكىلى بولساڭىز دا، كىشى بيزنەس وكىلى بولساڭىز دا كەزەككە تۇرا الاسىز دەگەن ءسوز. سەبەبى بىزدە كەيبىر باعدارلامالار ياعني، كەزەككە تۇرساڭىز تومەن پايىزبەەن، تۇرماساڭىز جوعارى پايىزبەن بەرىلەدى. ول دا ادىلەتسىز دەپ ويلايمىن.
جالدامالى پاتەرلەردى ساتىپ الۋعا بولادى مەملەكەت ەسەبىندەگى ءۇيدى جالداپ تۇراتىن جۇرتتىڭ دا جايى جاقسارادى. جاڭا زاڭ اياسىندا جالدامالى پاتەرلەرگە ساتىپ الۋ قۇقىعى بەرىلەدى. ول ءۇشىن قازىرگى قوجايىندارى قالدىق قۇنىن تولەۋگە مىندەتتى.
ناۋرىز سايلاۋباي، ق ر پارلامەنتى ءماجىلىسىنىڭ دەپۋتاتى: - زاڭنىڭ ەڭ ۇتىمدى تۇسى، بۇل جەردە بۇعان دەيىن قانشاما جىل ارەندالىق ۇيدە، مەملەكەتتەن العان ازاماتتار ساتىپ الۋ قۇقىعىنسىز دەپ ايتايىن استىن سىزىپ، وسى ازاامتتار بۇل زاڭ اياسىندا بولاشاقتا وزدەرىنە جەكەشەندىرە الادى. ءبىراق بۇل جەردە جاستار جوق. بۇعان دەيىن كوپ بالالى، ۇوس نەمەسە باسقا دا باعدارلامالارمەن ارەندالىق ءۇي العان ازاماتتتار زاڭداستىرىلادى دەگەن ءسوز، قالدىق قۇنىن تولەۋ ارقىلى.
ءقازىر ارەندالىق ۇيلەردە 50 مىڭنان استام قازاقستاندىق تۇرىپ جاتىر. ياعني وسىنشا جان ساتىپ الۋ قۇقىعىنا يە بولادى دەگەن ءسوز.