«تازا قازاقستان» الماتىدا: قالادا قوقىس الاڭدارى بەلسەندى تۇردە جاڭارتىلىپ، زامانۋي كونتەينەرلەر ەنگىزىلۋدە
الماتىدا «تازا قازاقستان» تۇجىرىمداماسى اياسىندا قالانىڭ سانيتارلىق جاعدايىن جاقسارتۋ بويىنشا اۋقىمدى جۇمىستار جالعاسۋدا، دەپ حابارلايدى aqshamnews.kz
اكىم ەربولات دوسايەۆتىڭ تاپسىرماسى بويىنشا كومىلگەن ۇلگىدەگى زاماناۋي قوقىس كونتەينەرلەرى ورناتىلۋدا. جىل باسىنان بەرى 128 الاڭدا كومىلگەن تيپتەگى 650 كونتەينەر ورناتىلدى، جىل سوڭىنا دەيىن 14 ۋچاسكەدە تاعى 136 كونتەينەر ورناتىلادى. بۇل كونتەينەرلەردىڭ ءبىرقاتار ارتىقشىلىقتارى بار: ولار تولىعىمەن جابىق، قاڭعىباس جانۋارلار مەن قۇستاردىڭ كىرۋىنەن قورعالعان، جاعىمسىز يىستەردى كەتىرەدى جانە اۋلا اۋماقتارىنىڭ كورىنىسىن جاقسارتادى.
2025-2026 جىلدارى قالادا 2000-نان استام كومىلگەن كونتەينەر ورناتۋ جوسپارلانۋدا. ولار ۇلكەن سىيىمدىلىعىمەن ەرەكشەلەنەدى، از ورىن الادى جانە وتقا ءتوزىمدى پوليپروپيلەن ماتالارىمەن جابدىقتالعان. كونتەينەردىڭ تۇبىندەگى ارنايى پلاستيكالىق ناۋا سۇيىقتىقتىڭ اعىپ كەتۋىنە جول بەرمەيدى. جاڭا كونتەينەرلەر اۋەزوۆ جانە بوستاندىق اۋداندارىندا پايدا بولدى. جەتىسۋ اۋدانىندا كەيبىر ورناتىلعان كونتەينەرلەرگە كەلەسى جىلدان باستاپ ءتيىستى تەحنيكا ساتىپ الىنعاننان كەيىن قىزمەت كورسەتىلەدى. تۇركسىب اۋدانىندا بىرنەشە الاڭدا توزعان قوقىس جاشىكتەرى جاڭاسىنا اۋىستىرىلدى. وسى باعىتتاعى جۇمىستار جالعاسۋدا.
تۇرعىندار ورناتىلعان كونتەينەرلەردىڭ ىڭعايلىلىعى مەن ەستەتيكالىق كورىنىسىن اتاپ وتۋدە. «بۇل سيستەرنالار ىڭعايلى عانا ەمەس، سونىمەن قاتار زاماناۋي، ەستەتيكالىق كورىنىسكە يە، بۇل اۋداننىڭ كەلبەتىن ايتارلىقتاي جاقسارتادى. بۇل اباتتاندىرۋعا جاسالعان ماڭىزدى قادام، مەن بارلىق تۇرعىنداردى جاۋاپكەرشىلىككە شاقىرامىن: ورتاق ەڭبەگىمىزدى قۇرمەتتەپ، قوقىستى كونتەينەرلەردىڭ جانىنا قالدىرمايىق»، - دەيدى الماگۇل شاعىن اۋدانىنىڭ تۇرعىنى اناستاسيا كورشىلەرىنە.
«بۇرىن تەمىر كونتەينەرلەر ءجيى كورروزياعا ۇشىرايتىن، اسىرەسە جازدا، جوعارى تەمپەراتۋرا ءيىستى كۇشەيتەتىن. ەندى جاڭا كونتەينەرلەردى ورناتۋ ارقىلى بۇل ماسەلە ايتەۋىر شەشىمىن تاباتىن بولدى. ءبىز اۋدانىمىز بارلىق تۇرعىندار ءۇشىن ءومىر سۇرۋگە قولايلى، الدەقايدا تازا جانە جايلى بولا تۇسەدى دەگەن سەنىمدەمىز»، - دەپ اتاپ ءوتتى بوستاندىق اۋدانىنىڭ تۇرعىنى ۆيكتوريا گوربۋنوۆا.
جالپى، الماتىدا قالدىقتاردى بولەك جيناۋعا ىنتالاندىرۋ ءۇشىن ءبىرقاتار باستامالار ىسكە اسىرىلۋدا:
•قالاداعى مەكەمەلەردە 1200-دەن استام ەكوبوكس ورناتىلعان؛
•پلاستيك جانە اليۋمينييدەن جاسالعان بوتەلكەلەردى قابىلدايتىن 11 فاندومات جۇمىس ىستەپ تۇر؛
•نان قالدىعىن جيناۋ ءۇشىن 500 كونتەينەر ورناتىلعان؛
•قايتالاما شيكىزاتتى قابىلداۋدىڭ 8 پۋنكتى جۇمىس ىستەيدى.
قالادا قالدىقتارمەن جۇمىس ىستەۋ جۇيەسىن جاقسارتۋ بويىنشا جۇمىس جالعاسۋدا، بۇل الماتى تۇرعىندارى ءۇشىن ەكولوگيالىق قاۋىپسىزدىك پەن جايلىلىق دەڭگەيىن ارتتىرۋعا ىقپال ەتەدى.