تەگىن بەرىلەتىن ءدارىنى ناۋقاستار ساتىپ العان.
سىبايلاس جەمقورلىققا قارسى قىزمەت ەلىمىزدە تەگىن دارى-دارمەك بەرۋ جۇيەسى وزگەرگەنىن مالىمدەدى. بۇعان سەبەپ ءبىرقاتار زاڭ بۇزۋشىلىقتار بولعان، دەپ حابارلايدى aqshamnews.kz
بۇل تاجىريبە تەگىن دارى-دارمەكتەردىڭ جەتىسپەۋشىلىگىنە جانە پاسيەنتتەردىڭ ولاردى ءوز قاراجاتىنا ساتىپ الۋىنا الىپ كەلگەن.
مەديسينالىق مەكەمەلەردە ناقتى جاعدايدى جاسىرۋ ءۇشىن "جالعان رەسەپتەر" جازىلعان. قۇجاتتارعا سايكەس پاسيەنتتەر دارى-دارمەكتەرمەن تولىق قامتاماسىز ەتىلگەنى كورسەتىلگەن. QR-كود ارقىلى پاسيەنتتەرگە تەگىن دارى-دارمەك بەرۋ جونىندەگى جوبا ىسكە قوسىلدى جانە بارلىق رەسپۋبليكا بويىنشا ماسشتابتالدى.زاماناۋي سيفرلىق شەشىمدەردى ەنگىزۋ جالعان رەسەپتتەردى شىعارۋ، دارى-دارمەكتەردى جىمقىرۋ ءقاۋپىن ەداۋىر ازايتىپ، بيۋدجەت قاراجاتىن ۇنەمدەيدى”، – دەلىنگەن ۆەدومستۆو حابارلاماسىندا.