انىقتامالىقتىڭ نەگىزگى باعىتى - سالاماتتى ءومىر سالتىن ناسيحاتتاۋ، اۋرۋلاردىڭ پروفيلاكتيكاسى، ءقاۋىپ فاكتورلارىن الدىن الا جويۋ جانە سوزىلمالى اۋرۋلاردى باقىلاۋ.
قازاقستاندا دۇنيەجۇزىلىك دەنساۋلىق ساقتاۋ ۇيىمىنىڭ ەۋروپالىق وڭىرلىك بيۋروسىنىڭ كومەگىمەن بالالار مەن جاسوسپىرىمدەرگە مەديسينالىق-سانيتاريالىق العاشقى كومەك كورسەتۋ بويىنشا قالتا انىقتامالىعى بەيىمدەلەدى جانە شىعارىلادى، دەپ حابارلايدى Almaty-akshamy.kz دەنساۋلىق ساقتاۋ مينيسترلىگىنە سىلتەمە جاساپ.
باسىلىم بالالار مەن جاسوسپىرىمدەردىڭ دەنساۋلىعىنا، جەتىلۋىنە جانە دامۋىنا كەشەندى كوزقاراستى بەكىتۋگە جاردەمدەسۋگە باعىتتالعان
انىقتامالىق سونداي-اق مساك ماماندارىنا ارنالعان جانە ەمشەك ءسۇتىن ەمىزۋ، قوسىمشا تاعامداردى ەنگىزۋ، جاس بالالاردىڭ دامۋىن قولداۋ جانە جاسوسپىرىمدەردى مەديسينالىق اقپاراتتاندىرۋ بويىنشا ۇسىنىستاردى قامتيدى.
دەنساۋلىق ساقتاۋ مينيسترلىگى قالتا انىقتامالىعىنىڭ ەلدىك نۇسقاسىن بەيىمدەۋ ناتيجەلەرىن شوعىرلاندىرۋ ءۇشىن پەدياتريا، نەوناتولوگيا، پسيحيكالىق دەنساۋلىق جانە بالانىڭ ەرتە دامۋى سالاسىنداعى جەتەكشى مامانداردى انىقتادى.
جۇرگىزىلگەن جۇمىستىڭ ناتيجەسىندە قالتا انىقتامالىعىنىڭ قازاقستاندىق نۇسقاسى جاسالادى. مينيسترلىكتىڭ جۇمىس توبى وقىتۋ مەن ەنگىزۋ مونيتورينگىن جۇرگىزە وتىرىپ، قازاقستاندا مساك-تى پراكتيكاعا ەنگىزۋدىڭ كەزەڭ-كەزەڭمەن جوسپارىن ازىرلەيتىن بولادى.