"قازاۆتوجول" ۇك" اق رەسپۋبليكالىق ماڭىزى بار 25 مىڭ شاقىرىمعا جۋىق اۆتوجولداردى باسقارۋ جونىندەگى ۇلتتىق وپەراتور.
Qaj.kz رەسمي سايتى مەن Sapar ءموبيلدى قوسىمشاسى ارقىلى اۆتوجولدارداعى جاعداي تۋرالى ۇنەمى حاباردار بولۋعا بولادى، دەپ حابارلايدى aqshamnews.kz.
"سونىمەن قاتار، ءبىز اۆتوموبيليستەرگە ارنالعان، سۇرانىسقا يە ءموبيلدى قوسىمشالارمەن سەرىكتەستىكتى دامىتۋعا ەرەكشە كوڭىل بولەمىز. بۇگىندە 2گيس گەوسەرۆيسىمەن جاڭا ينتەگراسيا ورناتقانىمىز جايلى قۋانا حابارلايمىز. ەندى وسى سەرۆيس ارقىلى مارشرۋتتاردى قۇرۋ كەزىندە رەسپۋبليكالىق ماڭىزى بار اۆتوجولدارداعى اعىمداعى جاعداي تۋرالى اقپارات ەسكەرىلەدى"، – دەلىنگەن حابارلامادا.
ماسەلەن، اۋا-رايىنىڭ قولايسىزدىعىنا بايلانىستى قاي باعىتتا، قانداي ەلدى مەكەندە كولىك قوزعالىسى ۋاقىتشا شەكتەلگەنى بەينەلەنەدى.
"ءبىز 2گيس–كە كۇرە جولداعى قازىرگى احۋال جايلى مالىمەتتى ۇسىنا وتىرىپ، سەرۆيستى پايدالانۋشى جۇرگىزۋشىلەرگە ءوز مارشرۋتتارىن ءتيىمدى جوسپارلاۋعا، جولداعى كەلەڭسىز جاعدايلاردىڭ الدىن الۋعا جانە ەڭ باستىسى – دىتتەگەن جەرگە تەز، ءارى ىڭعايلى جەتۋگە ءوز سەپتىگىمىزدى تيگىزەمىز. ەگەر اۆتوموبيل جولىنىڭ بەلگىلى ءبىر ۋچاسكەسىندە قوزعالىسقا شەكتەۋ قويىلسا، 2گيس جۇرگىزۋشىگە ەڭ وڭتايلى بالاما جولدى ۇسىنادى"، – دەپ حابارلادى قازاۆتوجول.