ماجىلىستە تانىستىرىلعان جاڭا زاڭ جوباسى بالا كۇتىمى كەزەڭىندەگى قۇقىقتىق تەڭسىزدىكتى جويۋدى كوزدەيدى، دەپ حابارلايدى aqshamnews.kz
ەگەر تۇزەتۋلەر قابىلدانسا، ءۇش جاسقا دەيىنگى بالا كۇتىمىمەن ۇيدە وتىرعان اكەلەردىڭ دە بۇل ۋاقىتى ەڭبەك وتىلىنە قوسىلماق.
بۇگىن ءماجىلىستىڭ جالپى وتىرىسىندا دەپۋتات اسحات ايماعامبەتوۆ ءبىرقاتار الەۋمەتتىك وزگەرىستەردى قامتيتىن زاڭ جوباسىن تانىستىردى. ونىڭ ايتۋىنشا، قولدانىستاعى جۇيەدە ءۇش جاسقا دەيىنگى بالا كۇتىمىمەن ۇيدە وتىرعان جۇمىسسىز انالاردىڭ بۇل كەزەڭى ەڭبەك وتىلىنە ەسەپتەلەدى. الايدا ءدال وسىنداي قۇقىق اكەلەرگە بەرىلمەي كەلگەن.
دەپۋتات وسى ولقىلىقتى جويۋدى ۇسىنىپ وتىر. زاڭ جوباسى قابىلدانعان جاعدايدا، بالا كۇتىمىمەن وتىرعان اكەلەردىڭ ۋاقىتى دا رەسمي ەڭبەك ءوتىلى رەتىندە مويىندالاتىن بولادى. ايماعامبەتوۆتىڭ ايتۋىنشا، بۇل وزگەرىس تەك الەۋمەتتىك ادىلەتتىلىكتى قامتاماسىز ەتىپ قانا قويماي، وتباسىنداعى رولدەردىڭ تەڭدىگىن نىعايتادى.
"بۇل – تەك تەحنيكالىق تۇزەتۋ ەمەس. ادىلدىككە جاسالعان ماڭىزدى قادام. وتباسىلىق جاۋاپكەرشىلىكتى تەڭ دارەجەدە قالىپتاستىرۋ ءۇشىن قاجەت شارا"، دەدى دەپۋتات.
ول ارىپتەستەرىن زاڭ جوباسىن ءبىرىنشى وقىلىمدا قولداۋعا شاقىردى.