دانيا ۇكىمەتى ايەلدەر ءۇشىن مىندەتتى اسكەري قىزمەتتى ەنگىزۋدى جوسپارلاپ وتىر.
دانيا ۇكىمەتى گەندەرلىك تەڭدىكتى تولىقتاي قامتاماسىز ەتۋدى قالاپ، وسىنداي جاڭاشىلدىقتى ۇسىندى. پرەمەر-مينيستر مەتتە فرەدەريكسەن الداعى بەس جىلدا قورعانىس شىعىندارىن قىرىق ميلليارد دانيالىق كرونعا ارتتىرۋدى كوزدەيتىن جوسپاردى تانىستىرۋ اياسىندا ءتيىستى مالىمدەمە جاسادى، دەپ حابارلايدى Almaty-akshamy.kz.
سونىمەن قاتار فرەدەريكسەن اسكەري قىزمەت مەرزىمىن 4 ايدان 11 ايعا دەيىن ۇزارتۋدى ۇسىندى.
گەندەرلىك تەڭدىك قورعانىس سالاسىن زاماناۋي ءارى ءارتۇرلى باعىتتا دامىتاتىنىنا كۇمانىمىز جوق، - دەدى م. فرەدەريكسەن.
قورعانىس ءبولىمىنىڭ جوسپارىنا سايكەس 2026 جىلدان باستاپ جىل سايىن 5000 ەر مەن 5000 ايەل شاقىرىلادى. 2023 جىلدىڭ باسىندا دانيانىڭ قورعانىس ءمينيسترى ياكوب ەللەمان-يەنسەن دانيا اسكەرى ءالسىز ەكەنىن ايتىپ، ايەلدەردى دە مىندەتتى اسكەري قىزمەتكە شاقىراتىنىن ايتتى.