الماتى وبلىسىنىڭ ەڭبەكشىقازاق اۋدانىنان ماڭعىستاۋعا 22 ۆاگون ءشوپ ءبىر كۇندە جەتكىزىلدى، دەپ حابارلايدى Almaty-akshamy.kz Mangystautv.kz-كە سىلتەمە جاساپ.
«شوپان اتا» قاۋىمداستىعىنىڭ وكىلدەرى ارنايى كەلىپ، مال ازىعىن تاراتۋ جۇمىستارىنا قاتىستى. وبلىستاعى مال باسى ەڭ كوپ اۋدان ماڭعىستاۋ اۋدانىنا 10 ۆاگون، جاڭاوزەن قالاسىنا 5 ۆاگون، ءتۇپقاراعان اۋدانىنا 3 ۆاگون، ال مۇنايلى جانە قاراقيا اۋداندارىنا 2 ۆاگوننان ءشوپ ۇلەستىرىلگەن. بەلسەندىلەردىڭ ايتۋىنشا، كەلگەن مال ازىعىن اۋدانعا قاراستى اۋىلدار ءبىر-بىر ۆاگوننان بولىسپەك.
قويشىبەك مەديمانوۆ، شەتپە اۋىلىنىڭ تۇرعىنى:
- ماڭعىستاۋداعى قۋاڭشىلىققا بايلانىستى جان-جاقتان كومەك كەلىپ جاتىر. جامبىل، اقتوبە وبلىستارىنان 400 مىڭ شاقىرىم جەردەگى الماتى وبلىسى ەڭبەكشىقازاق اۋدانى جىگىتتەرى ەلىنىڭ باسىنا تۇسكەن قيىنشىلىقتا وزدەرىنىڭ ۇيىنەن دە 2-3 ورامنان ءشوپ، 4-5 قاپتان جەم سالىپ، ماڭعىستاۋ جەرىنە جىبەرىپ جاتىر. بۇل قازاقتىڭ بىرىلىگىنىڭ، ىنتىماعىنىڭ سيمۆولى سياقتى.
ديدار قانجازوۆ، ەڭبەكشىقازاق اۋدانىنىڭ تۇرعىنى:
- ەڭبەكشىقازاق اۋدانىنىڭ شەلەك ءوڭىرىنىڭ تۇكپىر-تۇكپىرىندەگى اعايىن، اماناتتارىڭدى جەتكىزدىك. مىنە، ەل-جۇرت ءادىل تۇردە ءبولىپ الىپ جاتىر. الماتى وبلىسى ەڭبەكشىقازاق اۋدانى، بارلىقتارىڭىزعا مىڭ دا ءبىر راحمەت. ماڭعىستاۋ وبلىسىنىڭ حالقى العىسىن ايتىپ جاتىر.