ەڭبەكپەن قامتۋ دەڭگەيى ارتۋدا

ەڭبەكپەن قامتۋ كورسەتكىشتەرى جوعارى.

2021 جىلدىڭ 6 ايىندا «ەڭبەك» مەملەكەتتىك باعدارلاماسىنا 347 مىڭنان استام ادام قاتىستى، دەپ حابارلايدى Almaty-akshamy.kz. 

«بيىلعى 1 شىلدەدەگى جاعداي بويىنشا، 347،4 مىڭ ادام ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىنىڭ (بۇدان ءارى – «ەڭبەك» مەملەكەتتىك باعدارلاماسى) قاتىسۋشىلارى بولدى. 253،6 مىڭ ادام جۇمىسقا ورنالاستىرىلدى، ونىڭ 141،5 مىڭى تۇراقتى جۇمىسقا تۇردى»،– دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارلاماسىندا.

باعدارلامانىڭ ءبىرىنشى باعىتى اياسىندا قىسقا مەرزىمدى كۋرستارعا 12 مىڭ ادام جىبەرىلدى.

3،6 مىڭنان استام ادام ءوز ءىسىن اشۋ ءۇشىن جەڭىلدىكتى ميكروكرەديتتەر، ال 15 مىڭى قايتارىمسىز مەملەكەتتىك گرانتتار الدى.

سۋبسيديالاناتىن جۇمىس ورىندارىنا 126،7 مىڭ ادام جۇمىسقا ورنالاستىرىلدى، ونىڭ ىشىندە: الەۋمەتتىك جۇمىس ورىندارىنا 15،3 مىڭ ادام؛ جاستار پراكتيكاسىنا – 11،3 مىڭ ادام؛ قوعامدىق جۇمىستارعا – 100،1 مىڭ ادام.

ەڭبەك رەسۋرستارىنىڭ ۇتقىرلىعى شەڭبەرىندە 967 وتباسى نەمەسە 3 102 ادام قونىس اۋداردى، ونىڭ ىشىندە 1 346 ادام ەڭبەككە قابىلەتتى جاستا بولىپ تابىلادى. ونىڭ ىشىندە 906 ادام جاڭا تۇرعىلىقتى جەرىندە تۇراقتى جۇمىسقا ورنالاستىرىلدى جانە 60 ادام كاسىپكەرلىك قىزمەتپەن اينالىسادى.

ايتا كەتەيىك، 2020 جىلى «ەڭبەك» مەملەكەتتىك باعدارلاماسىنا 649 مىڭ ادام قاتىستى. 437،3 مىڭ ادام جۇمىسقا ورنالاستىرىلدى، ونىڭ 319،2 مىڭى تۇراقتى جۇمىسقا تۇردى. جاپپاي كاسىپكەرلىكتى دامىتۋعا 12،7 مىڭ ميكروكرەديت جانە جاڭا بيزنەس-يدەيالاردى ىسكە اسىرۋعا 44،9 مىڭ قايتارىمسىز مەملەكەتتىك گرانت بەرىلدى. قىسقا مەرزىمدى وقىتۋ كۋرستارىنا 18،7 مىڭ ادام جىبەرىلدى.

ال تجكب ۇيىمدارىندا وقىتۋمەن 18،4 مىڭ ادام قامتىلدى. بۇدان باسقا، ەڭبەك رەسۋرستارىنىڭ ۇتقىرلىعىن ارتتىرۋ شەڭبەرىندە جۇمىس كۇشى ارتىق وڭىرلەردەن قۇرامىندا 5،8 مىڭ ادام بار 1،8 مىڭ وتباسى قونىس اۋداردى.