ق ر ەڭبەك جانە حالىقتى الەۋمەتتىك قورعاۋ مينيسترلىگىندە ءبىرىنشى ۆيسە-مينيستر ءاقمادي سارباسوۆتىڭ توراعالىعىمەن وندىرىستىك جاراقاتتانۋ دەڭگەيىن تومەندەتۋ جانە جۇمىسكەرلەردىڭ ەڭبەك قۇقىقتارىن قورعاۋدى كۇشەيتۋ بويىنشا ونلاين-كەڭەس ءوتتى.
ءىس-شاراعا ەڭبەكمينى مەملەكەتتىك ەڭبەك ينسپەكسياسى كوميتەتىنىڭ، ق ر كاسىپوداقتار فەدەراسياسىنىڭ جانە «PARYZ» ق ر جۇمىس بەرۋشىلەر ۇلتتىق كونفەدەراسياسىنىڭ وكىلدەرى قاتىستى، دەپ حابارلايدى aqshamnews.kz.
كەڭەس بارىسىندا قازاقستان رەسپۋبليكاسىندا 2024-2030 جىلدارعا ارنالعان ءقاۋىپسىز ەڭبەك تۇجىرىمداماسىن ىسكە اسىرۋ بارىسى، اتاپ ايتقاندا كاسىپورىندارعا تاۋەكەل سىنىبىن بەرە وتىرىپ، كاسىپتىك تاۋەكەلدەردى ينتەگرالدى باعالاۋ راسىمىنە تولىققاندى كوشۋگە باعىتتالعان قۇرالداردى ەنگىزۋ جانە جۇمىستار جۇرگىزۋ قارالدى.
«قازىرگى ۋاقىتتا قولدانىسقا ەنگىزىلگەن كاسىپورىنداردىڭ سيفرلىق كارتاسى ناقتى ۋاقىت رەجيمىندە كاسىپورىندارداعى تاۋەكەلدەردى بولجاۋعا جانە الدىن الۋ شارالارىن جۇزەگە اسىرۋعا مۇمكىندىك بەرەدى. بۇگىندە 91،1 مىڭ كاسىپورىنداعى جاعدايعا مونيتورينگ جۇرگىزىلەدى. وسىنداي الدىن الۋ شارالارىنىڭ ارقاسىندا جوعارى تاۋەكەل ايماعىنان 2،8 مىڭ كاسىپورىن شىعارىلدى، ولاردا جالپى 70 مىڭنان استام جۇمىسكەر بار.»، – دەدى ءاقمادي سارباسوۆ.
ول سونداي-اق بيىل حالىقارالىق ەڭبەك ۇيىمىمەن بىرلەسىپ قازاقستاننىڭ تاۋ-كەن ءوندىرۋ سەكتورىندا ەڭبەك قاۋىپسىزدىگى مەن گيگيەناسىنا جاردەمدەسۋ جونىندەگى ارنايى جوبا ىسكە قوسىلعانىن حابارلادى.
سونىمەن قاتار كەڭەسكە قاتىسۋشىلار قىزمەتكەرلەردىڭ ەڭبەك قۇقىقتارىن قورعاۋدى كۇشەيتۋ، قازاقستاندا ەڭبەكتى قورعاۋ مادەنيەتىن ارتتىرۋ، ەڭبەك زاڭناماسىن ساقتاۋ قاجەتتىلىگى جانە ت. ب. بويىنشا ىقتيمال شارالاردى تالقىلادى.