ق ر ەڭبەك جانە حالىقتى الەۋمەتتىك قورعاۋ مينيسترلىگى «رۇقساتتار جانە حابارلامالار تۋرالى» زاڭعا سايكەس «ارناۋلى الەۋمەتتىك قىزمەتتەر كورسەتۋگە قويىلاتىن بىلىكتىلىك تالاپتارىن بەكىتۋ تۋرالى» بۇيرىقتىڭ جوباسىن ازىرلەدى.
بۇيرىقتى قابىلداۋ كورسەتىلەتىن قىزمەتتەردىڭ ساپاسىن ارتتىرۋعا مۇمكىندىك بەرەدى. قۇجات «اشىق نقا» پورتالىندا ورنالاستىرىلعان، دەپ حابارلايدى Almaty-akshamy.kz.
بۇگىنگى كۇنى ارناۋلى الەۋمەتتىك قىزمەتتەر كورسەتىلەتىن قىزمەتتەردىڭ شارتتارىن، كولەمىن جانە ساپاسىن ايقىندايتىن ارناۋلى الەۋمەتتىك قىزمەتتەر كورسەتۋ ستاندارتتارىنا سايكەس كورسەتىلەدى.
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە ايەلدەر قۇقىقتارى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى ىسكە اسىرۋ شەڭبەرىندە 2025 جىلدان باستاپ ەلدە ارناۋلى الەۋمەتتىك قىزمەتتەر كورسەتەتىن ۇيىمدارعا قويىلاتىن تالاپتاردى بەلگىلەيتىن ارناۋلى الەۋمەتتىك قىزمەتتەر كورسەتۋ جۇيەسىن ليسەنزيالاۋ ەنگىزىلەدى.
وسىعان بايلانىستى: عيماراتتارعا، جيھازبەن، قۇرال-سايماندارمەن جانە جۇمساق جابدىقتارمەن جاراقتاندىرۋعا، سانيتاريالىق-ەپيدەميولوگيالىق جانە ورتكە قارسى نورمالاردى ساقتاۋعا، ارناۋلى الەۋمەتتىك قىزمەتتەر كورسەتەتىن ۇيىمداردىڭ كادر قۇرامىنا قويىلاتىن بىلىكتىلىك تالاپتارىن قابىلداۋ قاجەت.
وسى بىلىكتىلىك تالاپتارى مەنشىك نىسانىنا قاراماستان ليسەنزيالاۋعا جاتاتىن مەملەكەتتىك جانە جەكە ۇيىمدارعا قولدانىلاتىن بولادى.
وسىلايشا، ليسەنزيالاۋ جوعارىدا اتالعان قىزمەتتەردى كورسەتۋ نارىعىنا تەك جوعارى بىلىكتى كادرلىق قۇرامى، جايلى عيماراتتارى (جاعداي) جانە جاقسى ماتەريالدىق-تەحنيكالىق جاراقتارى بار ۇيىمداردىڭ عانا قول جەتكىزۋىن قامتاماسىز ەتەدى. بۇل كورسەتىلەتىن قىزمەتتەردىڭ ساپاسىن ارتتىرۋعا جانە ولاردىڭ الۋشىلارىنىڭ قاۋىپسىزدىگىن قامتاماسىز ەتۋگە مۇمكىندىك بەرەدى.
بۇيرىق جوباسىن قابىلداۋ تەرىس الەۋمەتتىك-ەكونوميكالىق جانە/نەمەسە قۇقىقتىق سالدارعا اكەپ سوقپايدى. ونى ىسكە اسىرۋ مەملەكەتتىك بيۋدجەت قاراجاتىنان قوسىمشا قارجىلىق شىعىنداردى تالاپ ەتپەيدى.
قۇجاتپەن «اشىق نقا» پورتالىندا تانىسۋعا بولادى: https://legalacts.egov.kz/npa/view؟id=15089999