استانادا ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ (بۇدان ءارى – ەحاقم) كەڭەيتىلگەن القا وتىرىسى ءوتتى. ءىس-شارا بارىسىندا ۆەدومستۆونىڭ 2024 جىلعى جۇمىسىنىڭ قورىتىندىسى شىعارىلىپ، 2025 جىلعا ارنالعان جوسپارلار بەلگىلەندى.
ءىس-شاراعا ق ر پرەمەر-مينيسترىنىڭ ورىنباسارى ەرمەك كوشەربايەۆ، پارلامەنت دەپۋتاتتارى، ق ر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا؛ ق ر پرەزيدەنتى اكىمشىلىگىنىڭ جانە ۇكىمەت اپپاراتىنىڭ وكىلدەرى، ەحاق ۆيسە-مينيسترلەرى، اپپارات باسشىسى، كوميتەت ءتوراعالارى، دەپارتامەنت ديرەكتورلارى، ەحاقم باعىنىستى ۇيىمدارىنىڭ باسشىلارى، ورتالىق مەملەكەتتىك ورگانداردىڭ وكىلدەرى، وبلىستار مەن استانا، الماتى، شىمكەنت قالالارىنىڭ اكىمدەرىنىڭ ورىنباسارلارى، جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارمالارىنىڭ باسشىلارى مەن الەۋمەتتىك ارىپتەستەر جانە وزگە دە جاۋاپتى لاۋازىمدى تۇلعالار قاتىستى.
«2024 جىلى ەحاقم بارلىق نىسانالى ينديكاتورلارعا قول جەتكىزدى، قازاقستاندىقتار الدىنداعى بارلىق الەۋمەتتىك مىندەتتەمەلەر ورىندالدى: 4 ملن-نان استام الۋشىعا زەينەتاقىلار مەن جاردەماقىلار ۋاقتىلى يندەكستەلدى جانە تولەندى؛ جۇمىس ىزدەپ جۇرگەن 900 مىڭنان استام ادام جۇمىسقا ورنالاستىرىلدى؛ 1400 كاسىپورىننان 17 مىڭ جۇمىسكەردىڭ الەۋمەتتىك كەپىلدىكتەرى قالپىنا كەلتىرىلدى؛ وندىرىستىك جاراقاتتانۋ كورسەتكىشتەرى تومەندەدى؛ شەتەلدىك جۇمىسكەرلەر ءۇشىن بەرىلەتىن كۆوتا 22 مىڭنان 15 مىڭعا دەيىن قىسقارتىلدى؛ 276 مىڭنان استام وتباسى قيىن ومىرلىك جاعدايدان شىقتى؛ ارناۋلى الەۋمەتتىك قىزمەت كورسەتەتىن ۇيىمداردى ليسەنزيالاۋ ەنگىزىلدى»، – دەدى سۆەتلانا جاقىپوۆا.
مينيستر ءوز سوزىندە قازاقستاندا ءتيىمدى ەڭبەك نارىعىن قالىپتاستىرۋ ءۇشىن ىسكە اسىرىلىپ جاتقان شارالار، كوشى-قون ساياساتىن ىسكە اسىرۋ، الەۋمەتتىك قامسىزداندىرۋ، ساقتاندىرۋ جانە قولداۋ جۇيەلەرىن ودان ءارى دامىتۋ، مۇگەدەكتىگى بار ادامداردىڭ ءومىر ءسۇرۋ ساپاسىن ارتتىرۋ، ارناۋلى الەۋمەتتىك قىزمەتتەر كورسەتۋ جۇيەسىن ترانسفورماسيالاۋ جانە ەڭبەك قاتىناستارىن رەتتەۋ سالاسىندا قابىلدانىپ جاتقان شارالار تۋرالى ەگجەي-تەگجەيلى ايتتى.
وتىرىستى قورىتىندىلاي كەلە، ق ر پرەمەر-مينيسترىنىڭ ورىنباسارى ەرمەك كوشەربايەۆ جۇرگىزىلىپ جاتقان رەفورمالاردىڭ ماڭىزدىلىعىن اتاپ ءوتىپ، الەۋمەتتىك-ەڭبەك سالاسىن دامىتۋ بويىنشا جۇمىستى ودان ءارى جەتىلدىرۋ بويىنشا ءبىرقاتار تاپسىرمالار بەردى.