وندا 680-نەن استام بوس جۇمىس ورنى ۇسىنىلادى.
جارمەڭكەگە ەلىمىزدىڭ ءتۇرلى وڭىرلەرىنەن "الماتى اۋىر ماشينا جاساۋ زاۋىتى" اق، "KSP Steel" ج ش س، "رەمسترويتەحنيكا" اق، "KAZ Minerals Aktogay" ج ش س جانە باسقا دا 20-دان استام ءىرى جۇمىس بەرۋشى قاتىسادى، دەپ حابارلايدى Almaty-akshamy.kz
Enbek.kz ەلەكتروندىق ەڭبەك بيرجاسى الاڭىندا تاۋ-كەن ءوندىرۋ جانە وڭدەۋ ونەركاسىبى كاسىپورىندارىنىڭ بوس جۇمىس ورىندارىنىڭ رەسپۋبليكالىق ونلاين-جارمەڭكەسى باستالدى.
جارمەڭكە بارىسىندا جۇمىس بەرۋشىلەر ءوز كومپانيالارىنىڭ ونلاين-تانىستىرىلىمىن وتكىزەدى، قولدا بار بوس جۇمىس ورىندارىن ۇسىنادى جانە ەڭ قولايلى كانديداتتاردىڭ جەكە بازاسىن قالىپتاستىرادى.
ءوتىنىش بەرۋشىلەر ءوز كەزەگىندە ۇيىمداردىڭ HR مەنەدجەرلەرىمەن سويلەسە الادى، اڭگىمەلەسۋدەن ءوتىپ، ولارعا قىزىقتىرعان سۇراقتارىن قويا الادى، سونداي-اق "سىناق مەرزىمىن قالاي ءساتتى وتۋگە بولادى" جانە "جۇمىسقا باسقا ۇمىتكەرلەردەن قالاي ەرەكشەلەنۋگە بولادى" ۆەبينارلارىنا قاتىسا الادى.
ءىس-شاراعا قاتىسۋ ءۇشىن ەەب پورتالىنداعى Tanda.Enbek ارنايى بولىمىنە كىرۋ كەرەك، وندا جۇمىس ىزدەۋشىلەر جۇمىس بەرۋشىلەر تۋرالى قىسقاشا اقپاراتپەن تانىسىپ، قولجەتىمدى بوس جۇمىس ورىندارىن قاراپ، ولارعا جاۋاپ بەرە الادى.