ەلىمىزدە قازان ايىنىڭ سوڭعى جەكسەنبىسىندە الەۋمەتتىك قورعاۋ جۇيەسى قىزمەتكەرلەرىنىڭ كۇنى اتاپ وتىلەدى.
بۇگىندە رەسپۋبليكادا الەۋمەتتىك قورعاۋ سالاسىندا 35 مىڭنان استام ادام ەڭبەك ەتەدى. الەۋمەتتىك كودەكس اياسىندا الەۋمەتتىك قىزمەتكەرلەردىڭ مارتەبەسى وسەدى. وسى ماقساتتا ولاردى وقىتۋ جانە ولارعا ساناتتار بەرە وتىرىپ، ودان ءارى سەرتيفيكاتتاۋ كوزدەلگەن. ال 2025 جىلدان باستاپ الەۋمەتتىك قىزمەتكەرلەرگە ەڭبەكاقى تولەۋدىڭ جاڭا جۇيەسى ەنگىزىلەدى، دەپ حابارلايدى almaty-akshamy.kz
حالىقتى الەۋمەتتىك قورعاۋ سالاسىندا جۇمىس ىستەيتىن 35 مىڭ ماماننىڭ ىشىندە مەديسينا قىزمەتكەرلەرى، ارنايى پەداگوگتار مەن الەۋمەتتىك قىزمەتكەرلەر ارناۋلى الەۋمەتتىك قىزمەتتەر كورسەتەدى. رەسپۋبليكا بويىنشا الەۋمەتتىك قىزمەتكەرلەر سانى 12704 ادامدى قۇرايدى، ونىڭ 1251ء-ى ۇكىمەتتىك ەمەس سەكتوردا جۇمىس ىستەيدى.
ءااق-نىڭ نەگىزگى ماقساتى – ازاماتتارعا تۋىنداعان الەۋمەتتىك ماسەلەلەردى ەڭسەرۋگە كومەك كورسەتۋ جانە قوعام ومىرىنە قاتىسۋ مۇمكىندىكتەرىن قالىپتاستىرۋ. قاجەتتىلىككە بايلانىستى ارناۋلى الەۋمەتتىك قىزمەتتەر 8 باعىت بويىنشا ۇسىنىلادى: الەۋمەتتىك-تۇرمىستىق، الەۋمەتتىك-مەديسينالىق، الەۋمەتتىك-پسيحولوگيالىق، الەۋمەتتىك-پەداگوگيكالىق، الەۋمەتتىك-ەڭبەك، الەۋمەتتىك-مادەني، الەۋمەتتىك-ەكونوميكالىق، الەۋمەتتىك-قۇقىقتىق.
ءااق-نى 740-قا جۋىق مەملەكەتتىك ۇيىم ۇسىنادى، ونىڭ ىشىندە: 118 مەملەكەتتىك ارناۋلى الەۋمەتتىك قىزمەت كورسەتۋ ورتالىقتارى، 87 مەملەكەتتىك كۇندىزگى بولۋ ورتالىقتارى، 34 مەملەكەتتىك وڭالتۋ ورتالىقتارى، 505 ۇيدە الەۋمەتتىك كومەك كورسەتۋ بولىمشەلەرى.
بۇگىنگى كۇندە ءااق كورسەتۋ بويىنشا الەۋمەتتىك تاپسىرىستى ەلىمىزدىڭ بارلىق وڭىرلەرىندە 189 ۇەۇ جۇزەگە اسىرۋدا.
الەۋمەتتىك كودەكستى ىسكە اسىرۋ اياسىندا ق ر ەڭبەك جانە حالىقتى الەۋمەتتىك قورعاۋ مينيسترلىگى ارناۋلى الەۋمەتتىك قىزمەتتەر كورسەتۋ جۇيەسىن جاڭعىرتۋ بويىنشا كەلەسى باعىتتار بويىنشا جۇمىس جۇرگىزۋدە: ءااق جانە تاريف بەلگىلەۋ ستاندارتتارىن جەتىلدىرۋ؛ ارناۋلى الەۋمەتتىك قىزمەتتەر جۇيەسىن مونوپولياسىزداندىرۋ جانە دەينستۋاليزاسيالاۋ؛ الەۋمەتتىك قىزمەتكەرلەردىڭ مارتەبەسىن كوتەرۋ.
الەۋمەتتىك كودەكستە الەۋمەتتىك قىزمەتكەرلەرگە جەكە تاراۋ ارنالعانىن اتاپ وتكەن ءجون، وندا ولاردىڭ كاسىبي قىزمەتىن جۇزەگە اسىرۋ كەزىندەگى قۇقىقتارى مەن مىندەتتەرى، جۇمىستىڭ مارتەبەسى مەن ەرەكشەلىكتەرى، كاسىبي قۇپيا مەن مىنەز-قۇلىق ەتيكاسى تۋرالى ۇعىمدار، كاسىبي قىزمەتتى ورىنداۋعا بايلانىستى شەكتەۋلەر جانە الەۋمەتتىك كەپىلدىكتەر كورسەتىلگەن.
الەۋمەتتىك كودەكستى ىسكە اسىرۋ اياسىندا الەۋمەتتىك قىزمەتكەرلەردىڭ بىلىكتىلىگىن ارتتىرۋ كوزدەلەدى. وقۋ اياقتالعاننان كەيىن كاسىپتىك داعدىلارعا سايكەس ساناتتار بەرىلە وتىرىپ سەرتيفيكاتتالادى. سونداي-اق الەۋمەتتىك قىزمەتكەرلەر ءتىزىلىمىن قۇرۋ كوزدەلگەن، بۇل مۇگەدەكتىگى بار ادامداردىڭ وزدەرىنە قاجەتتى ماماندى تاڭداۋعا مۇمكىندىك بەرەدى. 2025 جىلدان باستاپ الەۋمەتتىك قىزمەتكەرلەردىڭ كاسىبي دەڭگەيى مەن ورىندالاتىن جۇمىستاردىڭ كۇردەلىلىگىن ەسكەرە وتىرىپ، ولارعا ەڭبەكاقى تولەۋدىڭ جاڭا جۇيەسى ەنگىزىلەتىن بولادى.
2021-2023 جىلدار ارالىعىندا الەۋمەتتىك سالا قىزمەتكەرلەرىنىڭ جالاقىسى كەزەڭ-كەزەڭىمەن ارتتىرىلعانىن ەستەرىڭىزگە سالامىز. ناتيجەسىندە ءار قىزمەتكەردىڭ جالاقىسى 2 ەسە ءوستى.
سونىمەن قاتار، قولدانىستاعى قوسىمشا اقىنىڭ مولشەرىن بازالىق لاۋازىمدىق جالاقىنىڭ 30 پايىزىنان لاۋازىمدىق جالاقىنىڭ 40 پايىزىنا وزگەرتۋ جولىمەن – اكىمشىلىك، كومەكشى پەرسونال قىزمەتكەرلەرىنىڭ، مەملەكەتتىك ۇيىمداردا جۇمىس ىستەيتىن، ونىڭ ىشىندە: ستاسيونارلىق جانە جارتىلاي ستاسيونارلىق ۇلگىدەگى مەديسينالىق-الەۋمەتتىك مەكەمەلەردە، ۇيدە قىزمەت كورسەتۋ، ۋاقىتشا بولۋ ۇيىمدارىندا جۇمىس ىستەيتىن جۇمىسكەرلەردىڭ جالاقىسى ارتتى.