ءموبيلدى قوسىمشا بوس جۇمىس ورىندارىن ىزدەۋگە جانە جۇمىسقا ورنالاسۋعا كومەكتەسەدى.
Enbek.kz پورتالىنىڭ ءموبيلدى قوسىمشاسى ەلەكتروندىق ەڭبەك بيرجاسىنداعى جۇمىسپەن قامتۋ سالاسى بويىنشا سمارتفوننىڭ كومەگىمەن قىزمەتتەردى الۋعا مۇمكىندىك بەرەدى، دەپ حابارلايدى Almaty-akshamy.kz.
«Enbek.kz» ءموبيلدى قوسىمشاسى سايتپەن تولىقتاي سينحروندالعان، بوس جۇمىس ورىندارىن ىزدەۋگە جانە جۇمىسقا ورنالاسۋعا كومەكتەسىپ قانا قويماي، سونىمەن قاتار جۇمىسسىز رەتىندە تىركەلىپ، جۇمىسىنان ايىرىلۋىنا بايلانىستى الەۋمەتتىك تولەم الۋعا مۇمكىندىك بەرەدى. ماسەلەن، ءموبيلدى قوسىمشا ارقىلى 6،2 مىڭ ادام جۇمىس ىزدەۋشى رەتىندە تىركەلسە، ال 5،7 مىڭ ادام جۇمىسسىز رەتىندە تىركەلىپ، ونىڭ ىشىندە 200-دەن اسا جۇمىسىنان ايىرىلۋىنا بايلانىستى الەۋمەتتىك تولەم الۋعا ءوتىنىش ءبىلدىرىپ، الەۋمەتتىك جاردەماقى الدى، – دەلىنگەن ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتىندا.
سونداي-اق، قوسىمشانىڭ كومەگىمەن مەملەكەت تاراپىنان سۋبسيديالاناتىن ۋاقىتشا جۇمىس ورىندارىنا ورنالاسۋعا بولادى، ولار: الەۋمەتتىك جۇمىس ورىندارى، قوعامدىق جۇمىستار، سونىمەن قاتار «جاستار پراكتيكاسى»، «العاشقى جۇمىس ورنى»، «ۇرپاقتار كەلىسىمشارتى» جانە «كۇمىس جاس» جوبالارى بويىنشا بوس جۇمىس ورىندارىمەن قامتاماسىز ەتىلەدى.
«Enbek.kz» ءموبيلدى قوسىمشاسىن قولدانۋشىلار قىزىقتىرعان بوس جۇمىس ورىندارىنا جاۋاپ بەرىپ، جۇمىس بەرۋشىلەردەن شاقىرتۋ الا الادى. Push-حابارلاندىرۋ فۋنكسياسىنىڭ كومەگىمەن تۇيىندەمەنى قاراعان جانە وعان جاۋاپ بەرگەن اقپاراتتى، سۇحباتقا شاقىرۋ جانە جۇمىس بەرۋشىنىڭ سۇقبات ناتيجەسى بويىنشا شەشىمىن جىبەرىپ الماۋعا مۇمكىندىك بەرەدى.
قولدانۋشىلار قوسىمشانى PlayMarket جانە AppStore دۇكەندەرىنەن جۇكتەي الادى.