ەڭبەك پەن دانالىق يەسى

گەنەرال-مايور س.يسابايەۆتىڭ قۇرمەتىنە ەسكەرتكىش-تاقتا ورناتىلدى

كورنەكتى مەملەكەت جانە قوعام قايراتكەرى، ق ر ءىىم قۇرمەتتى ارداگەرى، پوليسيا گەنەرال-مايورى سليام يسابايەۆتىڭ قۇرمەتىنە مەموريالدىق ەسكەرتكىش-تاقتا قويىلدى.

ول ىشكى ىستەر ورگاندارى جۇيەسىندە ەڭبەك ەتىپ، قاتارداعى ساراپشى-كريميناليست، تەرگەۋشىدەن باستاپ، ق ر ءىىم تەرگەۋ باسقارماسى باسشىسىنىڭ ورىنباسارى لاۋازىمىنا دەيىن كوتەرىلگەن. 1985–1990 جىلدارى الماتى وبلىستىق ءىىب باسشىسى بولعان. 1990 جىلدىڭ ماۋسىم ايىندا بەكىتۋ تارتىبىمەن الماتى قالاسىنىڭ ءقىىب باسشىسى بولىپ، ودان كەيىن ق ر ءىىم ءمينيسترىنىڭ ورىنباسارى بولىپ تاعايىندالعان. ق ر جوعارعى كەڭەسىنىڭ 11 مەدالىمەن جانە قۇرمەت گراموتاسىمەن ماراپاتتالعان.

– مەن سلياممەن 1980 جىلداردان تانىس بولدىم. ونىڭ ۇيىمداستىرۋشىلىق قابىلەتىنىڭ ارقاسىندا قىلمىستىق ىستەردى اتقارۋ، تەرگەپ، تەكسەرۋ بارىسىندا جۇمىستار جۇيەلى ءجۇردى. ءوز ەڭبەگىنە ادال، اسكەري ءتارتىپتى مىعىم ۇستاناتىن جانداردىڭ ءبىرى بولدى. ءومىرىنىڭ سوڭىنا دەيىن پوليسيا قىزمەتكەرلەرىنە تاجىريبەسىمەن ءبولىستى. سانالى عۇمىرىن ەلىن، جەرىن قورعاۋعا بار كۇشىن سارپ ەتتى. سليام يسابەكوۆتىڭ ىسكەرلىگى، تالاپتىلىعى جاستارعا ۇلگى-ونەگە بولىپ قالاتىنىنا سەنىمدىمىن، – دەيدى ىشكى ىستەر ءمينيسترىنىڭ كەڭەسشىسى، پوليسيا گەنەرال-مايورى ءومىرزاق بولسامبەكوۆ.

ءىس-شارانىڭ وتۋىنە الماتى قالاسىنىڭ مادەنيەت باسقارماسى مۇرىندىق بولدى. مەموريالدىق تاقتانىڭ سالتاناتتى اشىلۋ راسىمىنە پوليسيا قىزمەتكەرلەرى، دوس-جاراندارى، مەملەكەت جانە قوعام قايراتكەرلەرى، شاكىرتتەرى قاتىستى. ال سليام يسابايەۆتىڭ قىزى كەلگەن قوناقتار مەن الماتى قالاسىنىڭ اكىمدىگىنە العىسىن ءبىلدىردى.