ەلىمىزدە 2025 جىل "جۇمىسشى ماماندىقتار جىلى" دەپ جاريالاندى. بۇل باستاما جۇمىسشى ماماندىقتارىنىڭ ماڭىزدىلىعىن ارتتىرۋعا، جاستاردى وسى سالاعا تارتۋعا جانە ەڭبەك نارىعىندا سۇرانىسقا يە ماماندىقتار بويىنشا بىلىكتى كادرلاردى دايارلاۋعا باعىتتالعان.
قازىرگى تاڭدا تەحنيكالىق جانە كاسىپتىك ءبىلىم بەرۋ سالاسىندا قۇزىرەتتى مامانداردى دايارلاۋ – ەلىمىزدىڭ يندۋستريالدى-يننوۆاسيالىق دامۋ ستراتەگياسىنىڭ باستى باعىتتارىنىڭ ءبىرى. اسىرەسە اۆتوكولىك جوندەۋ جانە قىزمەت كورسەتۋ سالاسىنداعى مامانداردىڭ بىلىكتىلىگىن ارتتىرۋ، ولاردىڭ زاماناۋي تەحنولوگيالاردى مەڭگەرۋىنە مۇمكىندىك بەرۋ – ەڭبەك نارىعىنداعى سۇرانىستى قاناعاتتاندىرۋدىڭ نەگىزگى شارتى.
الماتى ەلەكترومەحانيكا كوللەدجىندە جۇمىسشى ماماندىقتارىنىڭ ءبىرى «اۆتوموبيل كولىگىنە تەحنيكالىق قىزمەت كورسەتۋ، جوندەۋ جانە پايدالانۋ» ماماندىعى كەڭىنەن وقىتىلادى. بۇل ماماندىقتى يگرۋدە شەبەرحانا مەڭگەرۋشىلەرىنىڭ ءرولى وراساڭ.
اۆتوكولىك شاناعىن قالپىنا كەلتىرۋ – جوعارى دالدىكتى، بىلىكتىلىكتى جانە تاجىريبەنى قاجەت ەتەتىن كۇردەلى پروسەسس. بۇل باعىتتا مامان تەك جوندەۋ جۇمىستارىن جۇرگىزىپ قانا قويماي، ستۋدەنتتەردى وسى كاسىپكە باۋلىپ، ولارعا زاماناۋي ادىستەردى ۇيرەتەدى. جاڭا تەحنولوگيالار مەن ماتەريالداردى قولدانا وتىرىپ، وقىتۋ پروسەسىن جاقسارتۋدا. شەبەرحانا مەڭگەرۋشىسى تەك ءبىلىم بەرىپ قانا قويماي، جۇمىسشى ماماندىقتارىنىڭ مارتەبەسىن ارتتىرۋ جانە شەبەرلىك داعدىلارىن دامىتۋ بولىپ تابىلاتىن جارىستارعا ءبىلىمالۋشىلاردى دايارلاپ، بولاشاق مامانداردى كاسىبي تۇرعىدا دامىنا ۇلەس قوسىپ كەلەدى.
WorldSkills چەمپيوناتىنا جىلدا قاتىسۋشى دايىنداپ، جۇلدەلى ورىندارعا يە بولىپ كەلەم. بۇنداي ءىس- شارالارعا ات سالىسۋ ءوز ىسىمىزگە دەگەن جاۋاپكەرشىلىگىمىزدى جانە كاسىبيلىگىمىزدى كورسەتەتىن ماڭىزدى قادامداردىڭ ءبىرى.
بۇگىندە اۆتوموبيل يندۋسترياسى قارقىندى دامىپ، جاڭا ۇلگىدەگى كولىكتەر مەن كۇردەلى تەحنولوگيالار ەنگىزىلۋدە. وسىعان بايلانىستى، اۆتومەحانيك ماماندارى تەك تەوريالىق بىلىممەن شەكتەلمەي، پراكتيكالىق داعدىلاردى جەتىلدىرۋى قاجەت. شاناق جوندەۋ سالاسىندا 3D سكانەرلەۋ، كومپيۋتەرلىك دياگنوستيكا، لازەرلىك ولشەۋ سياقتى زاماناۋي تەحنولوگيالاردى قولدانۋ – ساپالى قىزمەت كورسەتۋدىڭ كەپىلى. مۇنداي تەحنولوگيالاردى مەڭگەرگەن ماماندار كولىك يەلەرىنە جوعارى ساپالى قىزمەت كورسەتىپ، باسەكەگە قابىلەتتى بولا الادى.
سونىمەن قاتار، شەبەردىڭ تاعى ءبىر ماڭىزدى مىندەتى – ستۋدەنتتەردىڭ كاسىبي ەتيكاسى مەن جۇمىسقا دەگەن جاۋاپكەرشىلىگىن قالىپتاستىرۋ. تەحنيكالىق داعدىلاردان بولەك، بولاشاق اۆتومەحانيكتەر كليەنتتەرمەن دۇرىس قارىم-قاتىناس جاساي ءبىلۋى، ەڭبەك قاۋىپسىزدىگىن ساقتاۋى جانە ەكولوگيالىق نورمالاردى ەسكەرۋى قاجەت. وسى اسپەكتىلەردى ۇيرەتۋ ارقىلى مامان جوعارى دەڭگەيدەگى كاسىپقويلاردى دايارلاپ شىعارادى.
وسىنداي تاجىريبەلى مامانداردىڭ ارقاسىندا تەحنيكالىق جانە كاسىپتىك ءبىلىم بەرۋ سالاسى قارقىندى دامىپ، بولاشاق اۆتومەحانيكتەردىڭ كاسىبي دايىندىعى ارتا تۇسۋدە. ەل بولاشاعى – بىلىكتى مامانداردىڭ قولىندا، ال بىلىكتى مامانداردى دايىنداۋ – كاسىبي شەبەرلەردىڭ ەنشىسىندە. سوندىقتان، اۆتومەحانيك ماماندىعىن دامىتۋعا جانە ونى ناسيحاتتاۋعا ەرەكشە كوڭىل ءبولۋ – ءبىزدىڭ ورتاق ماقساتىمىز.
تولىبايەۆ قۋانىشبەك، الماتى ەلەكترومەحانيكا كوللەدجى