بۇل كونكۋرس ءونىمدى ەڭبەكتى ىنتالاندىرۋعا، جاستار اراسىندا جۇمىسشى ماماندىقتاردى تانىمال ەتۋگە جانە جۇمىسشى اۋلەتتەرىنىڭ كوپجىلدىق داستۇرلەرىن نىعايتۋعا باعىتتالعان.
كونكۋرس ەكى كەزەڭنەن (وڭىرلىك جانە رەسپۋبليكالىق) تۇرادى، دەپ حابارلايدى Almaty-akshamy.kz Egemen.kz-كە سىلتەمە جاساپ.
قاتىسۋشىلار ءۇش اتالىم بويىنشا انىقتالادى: «ۇزدىك ەڭبەك اۋلەتى» – ەڭبەك ءوتىلى ەڭ ۇزاق، ماراپاتى ەڭ كوپ اۋلەت تاڭدالادى؛ «ءوندىرىستىڭ ۇزدىك جاس مامانى» – جۇمىس ءوتىلى 5 جىلدان اسپايتىن، ەڭ بەلسەندى جانە ەڭبەكقور ءوندىرىس جۇمىسكەرى تاڭدالادى؛ «جۇمىس ىستەيتىن جاستاردىڭ ۇزدىك تالىمگەرى» – جۇمىس ءوتىلى كەمىندە 20 جىل، جوعارى ءتيىمدى جۇمىس ىستەيتىن تالىمگەر تاڭدالادى.
كونكۋرسقا كاسىپورىنداردىڭ (سالاسىنا قاراماستان) بارلىق قىزمەتكەرى قاتىسا الادى. جەڭىمپازداردى ارنايى رەسپۋبليكالىق كوميسسيا انىقتايدى.
ەحاقم بايقاۋعا ەڭبەك اۋلەتتەرىنىڭ وكىلدەرىن، سونداي-اق باستاماشىل جاس قىزمەتكەرلەردى جانە ولاردىڭ تالىمگەرلەرىن بەلسەندى قاتىسۋعا شاقىرادى.
بايقاۋعا قاتىستى وزگە اقپاراتتى ءبىلۋ ءۇشىن جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا نەمەسە وبلىستاردىڭ، استانا، الماتى جانە شىمكەنت قالالارىنىڭ ەڭبەك ينسپەكسياسى جونىندەگى باسقارماسىنا، سونداي-اق ق ر ەحاقم ەڭبەك قاتىناستارى جانە الەۋمەتتىك ارىپتەستىك باسقارماسىنا 8 (7172) 74-35-11 حابارلاسۋعا بولادى.