بۇرىنعى سوتتالعان 40 ادام الماتى قالالىق جۇمىسپەن قامتۋ ورتالىعىنا جۇمىسقا ورنالاسۋدى جوسپارلاپ وتىر
وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسى اكىمدىگىنىڭ حالىقتى جۇمىسپەن قامتۋ ورتالىعى ديرەكتورىنىڭ ورىنباسارى ادىلەت جاڭابايەۆ بۇرىن سوتتالعانداردى بەيىمدەۋ جانە جۇمىسقا ورنالاستىرۋ قالاي جۇرگىزىلىپ جاتقانىن بايانداپ بەردى، دەپ حابارلايدى almaty-akshamy.kz
الماتى قالاسىنىڭ اكىمدىگى جىل سايىن حالىقتىڭ جەكەلەگەن ساناتتارىن جۇمىسقا ورنالاستىرۋ ءۇشىن كۆوتا بولەدى، سونىڭ ىشىندە بۇرىن سوتتالعاندار دا بار.
«اعىمداعى جىلى الماتى قالاسى اكىمدىگىنىڭ 2022 جىلعى 17 قاراشاداعى № 4/607 قاۋلىسىنا سايكەس، پروباسيا ەسەبىندە تۇرعان ادامداردى جۇمىسقا ورنالاستىرۋعا كۆوتا بولىنگەن ۇيىمداردىڭ تىزىمىنە 11 ۇيىم ەنگىزىلدى. قالالىق جانە باس بوستاندىعىنان ايىرۋ ورىندارىنان بوساتىلعان تۇلعالارعا كۆوتا – 0،2 ادامنان 5 ۇيىم كىردى»، - دەپ ءتۇسىندىردى ا.جاڭابايەۆ.
سپيكەردىڭ ايتۋىنشا، پروباسيا قىزمەتىنىڭ ەسەبىندە تۇرعان 41 ادامدى جانە باس بوستاندىعىنان ايىرۋ ورىندارىنان بوساتىلعان 10 ادامدى جۇمىسپەن قامتۋ جوسپارلانۋدا.
بۇگىنگى تاڭدا پروباسيا قىزمەتىنىڭ ەسەبىندە تۇرعان تۇلعالاردىڭ اراسىنان 36 ادام جۇمىسپەن قامتۋ ورتالىعىنا جۇگىنگەن. سولاردىڭ ىشىنەن:
- 11 ادام جۇمىسقا ورنالاستىرىلدى (ونىڭ ىشىندە 2 ادام تۇراقتى جۇمىسقا، 5 ادام ءوزىن-وزى جۇمىسپەن قامتۋعا، 4 ادام قوعامدىق جۇمىس ورىندارىنا ۋاقىتشا جۇمىسقا)؛
- جۇمىس ىزدەۋشى رەتىندە تىركەلۋدەن باس تارتقانى – 6 ادام؛
- 17 ادام ۇسىنىلعان جۇمىس نۇسقالارىن ۋاقتىلى حاباردار ەتپەۋ، كەلىسىم بەرمەۋ نەمەسە قابىلداماۋ سالدارىنان ەسەپتەن شىعارىلدى؛
- جۇمىسسىز رەتىندە ەسەپتە تۇرعانى – 2 ادام.
باس بوستاندىعىنان ايىرۋ ورىندارىنان بوساتىلعانداردىڭ ىشىندە 2 ادام ءوتىنىش بىلدىرگەن.
- 1 ادام تىركەۋدەن شىعارىلعان (زاڭمەن بەلگىلەنگەن مەرزىمدە (5 كۇن) ۇسىنىلعان بوس جۇمىس ورنى بويىنشا دالەلدى سەبەپتەرسىز كەلمەۋىنە بايلانىستى)؛
- 1 ادام جۇمىسسىز رەتىندە تىركەلگەن.
«اتالعان ساناتتاعى تۇرعىندارمەن جۇمىس اۋداندىق پروباسيا قىزمەتىمەن تىعىز بايلانىستا جۇرگىزىلەدى. جۇمىسپەن قامتۋ ورتالىعى مەن پروباسيا قىزمەتىنىڭ ءوزارا ارەكەتتەسۋ الگوريتمى كەلىسىلگەن پروباسيا قىزمەتكەرلەرىنىڭ قاتىسۋىمەن كەزدەسۋلەر وتكىزۋ تاجىريبەدە بار»، - دەپ تۇسىنىك بەردى سپيكەر.
بارلىق سۇراقتار بويىنشا تۇرعىندار 310-47-82 تەلەفونى بويىنشا call-بايلانىس ورتالىعىنا حابارلاسا الادى.