الماتى قالاسىنىڭ جۇمىس بەرۋشىلەرى ەلەكتروندى پورتالدىڭ كومەگىمەن قىزمەتكەرلەردى بەلسەندى ىزدەستىرۋدە جانە حالىقتى جۇمىسپەن قامتۋ ورتالىعى قالا تۇرعىندارىن جۇمىسقا قابىلداۋعا دايىن.
بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا ۆەدومستۆو باسشىسى ديليارا يمانقۇلوۆا ايتتى، دەپ حابارلايدى Almaty-akshamy.kz.
«وسى جىلى حالىقتى جۇمىسپەن قامتۋ ورتالىعى زەينەتكەرلىك جاسقا دەيىنگى 500-دەن استام قالا تۇرعىنىنا جانە 1 600-دەن استام مۇمكىندىگى شەكتەۋلى الماتىلىقتارعا جۇمىس تابۋعا كومەكتەستى»، - دەدى ديليارا يمانقۇلوۆا.
الماتى قالاسىنىڭ حالىقتى جۇمىسپەن قامتۋ ورتالىعىنىڭ باسشىسى قازىرگى ۋاقىتتا «ەڭبەك» باعدارلاماسى بويىنشا ناتيجەلى جۇمىسپەن قامتۋدى جانە كاسىپكەرلىكتى دامىتۋدى جۇزەگە اسىرىپ جاتقانىن ايتتى. جوبا اياسىندا «جاستار پراكتيكاسى» وتكىزىلەدى. سونىڭ ارقاسىندا جوو مەن كوللەدج تۇلەكتەرى تاڭداعان ماماندىعى بويىنشا العاشقى جۇمىس تاجىريبەسىن الادى.
«قالا اكىمى باقىتجان ساعىنتايەۆتىڭ تاپسىرماسى بويىنشا جاستار پراكتيكاسىنا قاتىسۋشىلاردىڭ جالاقىسى 25 اەك-تەن 69 450 تەڭگەدەن 35 اەك-كە دەيىن ءوستى جانە سالىق ەسەبىمەن 102 مىڭ تەڭگەنى قۇرايدى. ءبىزدىڭ جۇمىسپەن قامتۋ ورتالىعىنىڭ ماماندارى جاستاردىڭ جۇمىسقا ورنالاسۋى كەزىندە تۋىندايتىن ءبىرقاتار ماسەلەلەردى شەشۋگە كومەكتەسەدى، اتاپ ايتقاندا، قاجەتتى جۇمىس تاجىريبەسىن الۋعا مۇمكىندىك بەرەدى»، – دەدى ديليارا يمانقۇلوۆا.
جۇمىس ىزدەۋ تاقىرىبىن جالعاستىرا وتىرىپ، سپيكەر قازىرگى ۋاقىتتا جۇمىسسىزدار جۇمىسپەن قامتۋ ورتالىعىنا جۇگىنبەي، Enbek ەلەكتروندىق بيرجاسىنا جۇگىنە الاتىنىن ايتتى. بۇل جۇمىس ىزدەۋ مەن پەرسونالدى ىرىكتەۋگە جاردەمدەسۋ ءۇشىن جۇمىسقا ورنالاستىرۋ بويىنشا ءبىرىڭعاي سيفرلىق الاڭ. بوس جۇمىس ورىندارى مەن جۇمىس ىزدەۋشىلەر تۋرالى اقپارات كۇن سايىن جاڭارتىلىپ وتىرادى.
«ءبىزدىڭ جۇمىسپەن قامتۋ ورتالىعىندا جۇمىس بەرۋشىلەردى قولداۋ ءبولىمى جۇمىس ىستەيدى، ونىڭ قىزمەتكەرلەرى الماتى قالاسىنىڭ جۇمىس بەرۋشىلەرىمەن بايلانىستى. ايتا كەتسەك، بۇگىندە «Enbek» بازاسىندا جۇمىسسىزداردى جۇمىسقا ورنالاستىرۋ بويىنشا الماتىدان 7 مىڭنان استام جۇمىس بەرۋشى تىركەلگەن. جەرگىلىكتى قۇرىلىس كومپانيالارى، ساۋدا ۇيلەرى جۇمىسقا قابىلداۋدى بەلسەندى جۇرگىزۋدە»، – دەدى ديليارا يمانقۇلوۆا.
سونداي-اق جۇمىسپەن قامتۋ ورتالىعىنىڭ باسشىسى قالا تۇرعىندارىن زەينەت جاسىنا دەيىنگى جۇمىسپەن قامتۋ تاقىرىبىن قوزعادى. سپيكەردىڭ ايتۋىنشا، بيىل ورتالىققا جۇگىنۋدىڭ ارقاسىندا 55 پەن 63 جاس ارالىعىنداعى 528 ادام جۇمىسقا ورنالاستى.
«بىزبەن ىنتىماقتاساتىن جۇمىس بەرۋشىلەر زەينەت جاسىنداعى ازاماتتاردى جۇمىسقا قابىلداۋعا دايىن. سونداي-اق «ەڭبەك» باعدارلاماسى بويىنشا ۋاقىتشا جۇمىس ورىندارىنا جۇمىسقا ورنالاسۋعا مۇمكىندىك بار»، – دەدى ديليارا يمانقۇلوۆا.
سونىمەن قاتار سپيكەر مۇمكىندىگى شەكتەۋلى جانداردى جۇمىسقا ورنالاستىرۋ تۋرالى ايتىپ بەردى. ونىڭ ايتۋىنشا، ولار ءۇشىن مۇگەدەكتىك توبىنا قاراماستان جۇمىس ىزدەۋ جۇزەگە اسىرىلادى.
«بيىل ءبىز مۇگەدەكتىگى بار 1 600-دەن استام ادامدى جۇمىسقا ورنالاستىردىق، ونىڭ ىشىندە 139 ادام تۇراقتى جۇمىس ورىندارىنا، 347 ادام ۇكىمەتتىك ەمەس ۇيىمدارعا ۋاقىتشا جۇمىس ورىندارىنا، تاعى 489 ادام الەۋمەتتىك ورىندارعا جۇمىسقا تۇردى. الماتىدا 10-عا جۋىق ۇيىم كورۋ قابىلەتى بۇزىلعان ادامداردى جۇمىسقا قابىلداۋعا دايىن. قالانىڭ بارلىق ۇيىمدارىنا مۇمكىندىگى شەكتەۋلى جانداردى جۇمىسقا ورنالاستىرۋعا كۆوتالار بار ەكەنىن ايتقىم كەلەدى»، – دەدى ديليارا يمانقۇلوۆا.
الماتى قالاسىنىڭ حالىقتى جۇمىسپەن قامتۋ ورتالىعىنىڭ باسشىسى ايەلدەردى، اسىرەسە كوپ بالالى انالاردى جۇمىسقا ورنالاستىرۋعا ۇلكەن قولداۋ كورسەتىپ وتىرعانىن ايتتى. بيىل ورتالىق 54 كوپ بالالى اناعا جۇمىس تاپتى، ونىڭ 34ء-ى ااك الۋشىلار.