ۇلتتىق ستاتيستيكا بيۋروسىنىڭ دەرەكتەرى بويىنشا رەسپۋبليكا بويىنشا 2025 جىلدىڭ 1 توقسانىندا ورتاشا ايلىق اتاۋلى جالاقى 423 133 تەڭگەنى قۇرادى جانە 2024 جىلعى ءتيىستى كەزەڭمەن سالىستىرعاندا 10،7%-عا ارتتى، دەپ حابارلايدى aqshamnews.kz
سالالار بويىنشا ورتاشا ايلىق جالاقىنىڭ ەڭ جوعارى مولشەرى اقپارات جانە بايلانىس سالاسىندا – 859 822 تەڭگە، ال ورتاشا ايلىق جالاقىنىڭ ەڭ تومەن مولشەرى – اۋىل، ورمان جانە بالىق شارۋاشىلىعى سالاسىندا بايقالادى – 248 937 تەڭگە، - دەلىنگەن ۆەدومستۆونىڭ جاۋابىندا.
وڭىرلەر بويىنشا ورتاشا ايلىق جالاقىنىڭ ەڭ جوعارى مولشەرى اتىراۋ وبلىسىندا – 634 234 تەڭگە، ال ورتاشا ايلىق جالاقىنىڭ ەڭ تومەن مولشەرى – سولتۇستىك قازاقستان وبلىسىندا بايقالادى – 300 051 تەڭگە.