وسى جىلدىڭ قاراشا ايىنداعى رەسمي رەيتينگتە جاڭا ەسىم — ءۇندىستاننان كەلگەن انيش ساركار فيدە تىزىمىنە ەندى. تورتكە دە تولماعان ول - 1 555 ورىنعا تۇراقتادى، دەپ حابارلايدى aqshamnews.kz.
جاس شاحماتشى العاشقى ءتۋرنيرىن ءۇش جارىم جاسقا تولماي جاتىپ وتكىزگەن. اراعا ءۇش اي سالىپ باتىس بەنگاليادا وتكەن SXCCAA-2024 رەيتينگتىك راپيد-تۋرنيرىندە دەبيۋت جاسادى. وندا 11 پارتيانىڭ 5-ۋىندە جەڭىسكە جەتكەن. الەمنىڭ ءتورتىنشى نومەرى — گروسسمەيستەر اردجۋن ەريگايسيمەن ءبىر مەزگىلدە ويىن سەانسىندا قاتىسۋ مۇمكىندىگىنە يە بولدى.
ءبىر اپتادان كەيىن انيش ساركار 9 جاسقا دەيىنگى بالالارعا ارنالعان كلاسسيكالىق باقىلاۋمەن تۋرنيرگە قاتىسىپ، 1551 جانە 1442 رەيتينگى ەكى قارسىلاسىن جەڭگەن. 8 پارتيادان 5،5 ۇپاي جيناپ، 140 قاتىسۋشىنىڭ اراسىندا 24-ورىنعا يە بولدى.
جاقىندا 9 جاسار يتان پەنگ فيدە رەيتينگىندە 2 300 پۋنكتتەن اسقان ەڭ جاس شاحماتشى بولىپ، تاعى ءبىر جاس رەكوردىن جاڭارتتى. بۇل جانە باسقا دا شاحماتتىق دارىنى تۋرالى بىرنەشە اي بۇرىن يليا ليەۆيتوۆ پەن الەكساندر شيمانوۆ ءبىزدىڭ ارنادا بايانداعان بولاتىن.