راحمون بيىلعى جىل سوڭعى ءجۇز جىلدىقتاعى "ەڭ اۋىرى" دەپ اتادى
تاجىكستان پرەزيدەنتى ەمومالي راحمون حالقىنا ەكى جىلعا جەتەتىن ازىق-تۇلىك قورىن جيناپ الۋدى جانە مەملەكەتتىڭ تاۋەلسىزدىگىن قورعاۋعا دايىن بولۋ كەرەكتىگىن ەسكە سالدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
Sputnik تاجىكستاننىڭ مالىمەتىنشە، تاجىكستان پرەزيدەنتى قاسيەتتى رامازان ايىنىڭ باستالۋىنا وراي قۇتتىقتاۋ ءسوز سويلەدى.
ول ءوز ۇندەۋىندە ازاماتتاردى ادال ەڭبەك ەتىپ، ۇنەمدى بولۋعا شاقىرىپ، ەكى جىلعا جەتەتىن ازىق-تۇلىك قورىن جيناپ الۋدى ەسكەرتتى. راحمون بيىلعى جىل سوڭعى ءجۇز جىلدىقتاعى "ەڭ اۋىرى" دەپ اتاپ، وتانداستارىنا ەلدىڭ ەگەمەندىگىن قورعاۋعا دايىن بولۋ كەرەكتىگىن ەسكە سالدى.
«ادامزات بۇگىندەرى سوڭعى عاسىردان استام تاريحىنداعى ەڭ سەزىمتال جانە كۇردەلى كەزەڭىنە كەلىپ اياق باستى. ساراپشىلاردىڭ پىكىرىنشە، داعدارىستىڭ وسى وتە سەزىمتال كەزەڭىنىڭ سالدارىن بولجاۋ مۇمكىن ەمەس جانە ول ۇزاقمەرزىمدى سيپاتقا يە. بيىلعى جىل ادامزات ءۇشىن بارلىق جاعىنان ەڭ قيىنى جانە ەڭ اۋىرى بولادى، الدىمەن ازىق-تۇلىك قاۋىپسىزدىگىن قامتاماسىز ەتۋ تۇرعىسىنان»،-دەدى تاجىكستان پرەزيدەنتى ەمومالي راحمون.
تاجىكستان پرەزيدەنتى كوكتەمنىڭ ءار كۇنىن قادىرلەپ، ەگىندى دەر كەزىندە سەۋىپ، "ءار وتباسىندا ەكى جىلدىق ازىق-تۇلىك قورى بولۋ ماسەلەسىن شەشۋ كەرەك" دەپ اتاپ ءوتتى. ءقازىردىڭ وزىندە ەل تۇرعىندارى ازىق-تۇلىك تاپشىلىعىنان نەمەسە باعا وسىمىنەن زارداپ شەكپەس ءۇشىن بارلىق شارالاردى قابىلداۋ قاجەت، اسىرەسە الداعى كۇزگى-قىسقى كەزەڭدەردە، - دەدى ول.
ادامزات بۇگىندەرى سوڭعى عاسىردان استام تاريحىنداعى ەڭ سەزىمتال جانە كۇردەلى كەزەڭىنە كەلىپ تىرەلدى. ساراپشىلاردىڭ پىكىرىنشە، داعدارىستىڭ وسى وتە سەزىمتال كەزەڭىنىڭ سالدارىن بولجاۋ مۇمكىن ەمەس جانە ول ۇزاق مەرزىمدى سيپاتقا يە. بيىلعى جىل ادامزات ءۇشىن بارلىق جاعىنان ەڭ قيىنى جانە ەڭ اۋىرى بولادى، الدىمەن ازىق-تۇلىك قاۋىپسىزدىگىن قامتاماسىز ەتۋ تۇرعىسىنان.
«ءاربىر وتباسى ءوز-وزىن قامتاماسىز ەتۋى كەرەك، مۇمكىندىگىنشە كوپ ءونىم الىپ، ەكى جىلعا جەتەتىن ازىق-تۇلىك قورىن جيناپ الۋدى ويلاستىرۋى قاجەت»،-دەدى ەمومالي راحمون.